Kelly Chu
Kelly Chu
Kelly Chu

增加催產素及血清素水平 「自我擁抱」趕走壞情緒從身心感受自愛力量

2019/07/15 04:12:30 網誌分類: 生活
15 Jul
          呢排經常有遊行示威,衝突無日無之,親朋好友之間又經常爭拗,搞到好多人情緒受困擾。Kelly有朋友傳來一段網上小文同圖片,話試下self hugs「自我擁抱」,咁可以令自己情緒平復下來。小妹問過精神科專家,話有研究指「自我擁抱」有助抵禦負面壓力,引導積極情緒嘅作用。

          好多研究顯示互相擁抱,可以給別人關懷,好處多多。小妹覺得與人擁抱可以感到幸福。呢排社會咁多爭拗,如果冇適合嘅人,不妨試試「自我擁抱」!網上最近就瘋傳一段英文文字,指自我擁抱有好多好處,因為擁抱會增強我哋體內催產素同血清素嘅水平,會令人感到與奮、幸福同放鬆,對我哋嘅情緒有更正面嘅作用。有人或者會話,「我沒有人擁抱」,聽起來很糟糕,但事實並非如此,我們總是同自己在一起!

          精神科醫生何美恩同Kelly講,根據美國一個有名心理學研究嘅網站指出,「自我擁抱」有助抵禦負面壓力,引導積極情緒,並可減輕身體痛楚。

          試試吧!將自己嘅手臂抱緊自己,隨自己嘅喜好調整擁抱姿勢同持續時間,一開始至少需要十至十五秒,不僅係表面上去感受擁抱,更要從身體內部感受愛自己嘅信息,感受能夠愛自己嘅快樂!

        Kelly Chu

        
■網上最近瘋傳指自我擁抱好處多。p/  
 ■網上最近瘋傳指自我擁抱好處多。

   

回應 (0)
我要發表
user