頭條生日請食雪糕周五encore再派

2019/07/16 04:12:07 網誌分類: 生活

16 Jul

        　　喂喂喂，大家上周五有冇歎到免費雪糕呀？《頭條日報》慶祝邁向十五周年，上周五喺中環、銅鑼灣大派雪糕，人頭湧湧兼夾群星拱照，好墟冚！型男美女OL個個排隊，用手機下載指定頭條apps即免費歎雪糕，Kelly同班同事專程去捧場！仲有好多明星artists，包括視帝黎耀祥、森美、煒哥等都嚟支持O添呀！個個邊食邊玩遊戲好happy，LIKE爆《頭條》呀！大家仲話嚟緊(周五)七月十九日《頭條》喺旺角派雪糕，一定再捧場呀！

        　　Kelly上周現場目擊，好多人圍住喺滿佈頭條家族萌樣嘅「頭條雪糕車」前selfie打卡，人人笑容滿面，攞住雪糕開心歎，勁似開party！食雪糕之餘，唔少人仲即場參加埋「頭條生日樹」有獎遊戲，喺生日卡上寫低對頭條嘅生日祝褔，拍低生日卡兼將卡掛喺生日樹上，寫得最有創意嘅參加者仲有機會贏人氣電子產品及旅遊禮券等！正！

        　　Kelly有同事好lucky，身份證號碼有齊頭條生日密碼7、1、2三個冧巴，即場攞到份禮品！如果大家想encore歎多次，仲有機會呀！《頭條》嚟緊星期五再喺旺角派雪糕呀！用手機下載定《頭條》及「頭條Jetso」app，show一show即可免費歎！

        　　另外，萌爆「頭條雪糕車」喺各區穿梭同大家見面！即日至七月二十三日，有緣遇上就立即影低架車嘅靚相，上載到頭條facebook「全城街拍雪糕車」帖子啦！每張上載相片，《頭條》會捐十蚊畀香港公益金㗎！一於你出相，《頭條》出錢，齊齊做善事啦！





        Kelly Chu