Kelly Chu
Kelly Chu
Kelly Chu

基金會十年幫助2.5萬殘障童 李家傑分享會 受助童感動落淚

2019/07/18 04:12:22 網誌分類: 生活
18 Jul
          恒基地產聯席主席李家傑昨天出席「李家傑珍惜生命基金」分享會,基金運作咗十年,一共幫助咗二萬五千個先天殘障兒童,特別係天先心臟有問題嘅小朋友,有受助兒童長大成人,仲好叻入讀大學醫科,佢應承李家傑將來返基金,幫助更多有需要嘅兒童。

        

          「李家傑珍惜生命基金」首次喺香港舉行分享會,有受助小朋友分享,講到好感動,一度落淚。睇到台下嘅Kelly眼濕濕。有一名受助兒童長大咗,仲入讀大學醫科,話將來幫忙更多有需要嘅人。李家傑叫佢將來一定要返基金協助更多有需要嘅兒童,佢即時答應,令人好感動。

          一批受助小朋友仲將自己嘅願望寫成願望集送畀李家傑,因為李家傑嘅願望係幫助他人實現願望,所以小朋友送本願望集回應佢嘅願望。真係好有意義!

          李家傑亦分享好多善用科技幫助貧人嘅方法,例如用智能去增加農產品產出,仲推介佢嘅微訊書號,入面有好多讀書心得,叫大家上去分享。佢又即場派手機畀小朋友,建議佢哋多啲上網學習而唔係打機,吸收多啲知識改變命運。

          最後大家大合唱《明天會更好》,小妹見到恒基副主席林高演唱得好開心,真係一個充滿正能量嘅分享會。

        Kelly Chu

        
■李家傑(右四)出席「李家傑珍惜生命基金」分享會。p/  
 ■李家傑(右四)出席「李家傑珍惜生命基金」分享會。

   

■小朋友親手製作嘅願望集。p/  
 ■小朋友親手製作嘅願望集。

   

■有受助小朋友感動落淚。p/  
 ■有受助小朋友感動落淚。

   

回應 (0)
我要發表
user