暴力沒有任何藉口,犯罪只會毀滅香港

2019/07/18 17:43:12 網誌分類: 時事
18 Jul

「用謊言去驗證謊言,你得到嘅都只會係謊言。」咁簡單嘅一句臺詞,卻可以發人深省。程序不正義,就難以期望結果正義。「港獨」美化嘅民主口號包裝唔到佢哋陰險狡猾嘅陰謀,挾洋自重、搞反華投機妄想為暴力犯罪打造脫罪神話,野心家們嘅結局都必然係徒勞。因為佢哋就係喺度用緊暴力犯罪嘅方式去追求虛假嘅民意同埋空想嘅民主自由,結果都只會得到纍纍罪行嘅下場。

14日沙田遊行中咬斷執法警員手指嘅嫌疑人杜某被捕接受審判,當呢名極端嘅青年跟隨喺遊行隊伍中激情四射之時,萬萬冇諗到自己會落入法網,為自己嘅愚蠢暴行付出沉重嘅代價。個體喺群體入邊智商往往會驟降,個人理智會俾群體意志所淹沒,就如杜某咁樣嘅許許多多嘅青年人事先可能都冇諗到,當自己俾一啲虛假嘅口號輕易裹挾入暴力嘅群體度,就會變成一個自己都唔認識嘅自己。暴行一旦發生過後,再冷靜落嚟,一切都為時已晚。衝擊立法會,暴徒亂塗亂畫嘅侮辱、亂搞亂砸嘅癲狂,已經令好多香港人,好多曾經參加過遊行嘅香港市民逐漸冷靜落嚟,从暴力行為中反思出遊行正處喺越軌跑偏嘅危險。

政治係為咗實現好嘅制度,好嘅制度則係為咗解決民生,好嘅民生狀態又會調返轉頭嚟擁護政治。所以任何脫離經濟講政治,其實就係「賴貓無賴」,就係「畫空餅嘅教主」咁簡單。「America First」,美國佬喺世界上「長臂管轄」,到處發動戰爭,到宜家同中國、歐盟、日韓大搞貿易戰,呢啲都祇不過係經濟考量嘅政治博弈。而現今嘅「港獨份子」挑起嘅暴亂遊行,無視香港穩定、無視香港經濟商業、空談民主畫餅,其實質用心昭然若揭。佢哋就係接咗反華勢力嘅任務,要喺香港搞風搞雨,拖住中國無法分身去應對美國等西方國家嘅打壓。佢哋就係西方反華嘅先鋒隊、排頭軍、代理人,淨係為咗喺西方領賞,又點會真心真意為香港市民著想咧。如果佢哋搞成事,香港必然會淪為西方反華嘅炮火前線,一遍哀鴻,咩權益都會無從談起。

俗語有話「一打三分低,有理變冇理。」奉勸裹啲真心為香港好嘅遊行市民,一定要恪守法律嘅底線,同暴力港獨劃清界限,愛港護港,為咗自己都為咗將來

回應 (0)
我要發表
user