點首歌比你聽9

今日，西風要推介嘅[中文經典金曲]，喺由黃霑先生填詞，甄妮女士主唱嘅【奮鬥】。呢首詞好正氣好正面，為咗心中重要嘅人願意奮鬥：【無論歷盡幾次浪，無論受盡多少風霜，無論再要奮鬥幾次，才共你到得彼岸.....同我兩手相牽，發千分熱千分光，燃亮著我的愛，為你照前方】.....

仔女喺爸媽嘅心肝寶貝，女友喺男友嘅心肝寶貝，徒弟喺師父嘅心肝寶貝，所以呢三種人會為咗自己嘅心肝寶貝付出一生奮鬥一生。甚至有啲啲為咗自己嘅心肝寶貝而挺而走險，同不擇手段不理後果之下去打擊傷害人哋嘅心肝寶貝。大把人會講【人不為己，天誅地滅】，講得最絕就喺【你/佢死好過我死】！

呢種【霸道】思想同行為，【損人利己】嘅偏執心理狀況，完全用似是而非嘅藉口或理由去美化自己最醜惡最自私嘅一面。呢啲人從未稔過自己咁做，人哋都可以照辦煮碗咁做，攪到你做初一我做十五，有乜理由唔兩敗俱傷？

奮鬥最低嘅底線喺唔傷害人哋，唔連累無辜者，而又能得償心願，自己既可以事業有成，又可以令自己嘅心肝寶貝有好嘅未來。相反地，用傷害人哋而得嘅成就，好似好有滿足感，好似可以好自豪咁用喺心肝寶貝身上，殊不知比自己傷害嘅人，縱然冇辦法報復自己，但喺可以傷害番自己嘅心肝寶貝嚟洩憤。

從來冇任何人靠傷害他人而能夠發光發熱；冇任何人可以傷害咗人哋而能夠成世逍遙法外；冇任何人可以自欺之下永遠埋沒真相。只不過人喺火遮眼嘅時候失控，做出咗常人點都做唔出或唔會做嘅極端行為；最可憐嘅就喺要為自己一時失控下嘅行為所造成嘅後果埋單。

西風贊同儒家所講【己所不欲，勿施於人】嘅互相尊重，由於尊重先至可以包容同體諒，唔會比眼前假象所誤導而造成遺憾。放眼而家嘅香港，實在令人歎息唏噓，不但未能體現【奮鬥】精神，仲踐踏獅子山下來之不易嘅光輝同成就。如果唔拋開私見成見，點可能【同我兩手相牽】？點可以【一切都奉上】？