若為「自由」故,「法制、樂土」皆可拋?

2019/07/23 14:13:48 網誌分類: 時事
23 Jul

6月9號以嚟,香港「反送中」遊行示威愈演愈烈,圍堵港府行政中心、衝擊立法會、包圍警察總部等暴力活動大行其道,從7月1號使用鐵棒、鐵車暴力衝擊立法會,再到7月14號沙田遊行事件至使11名警員受傷甚至斷指。反對派仲表示7月21號將組織「民陣」喺港島區舉行遊行,「勇武派」暴徒同時密集部署喺當日借機發動大規模暴力行動,啲煽動者喺網絡上展示各種行兇器械,鼓吹呢次行動將會係一次「總攻擊」。示威者當初反修例嘅目的已經達到,特區政府亦已經作出咗讓步。點解依家嘅遊行示威返而變本加厲、肆無忌憚?甚至有外國媒體已經察覺出香港嘅遊行係有組織、有預謀嘅,譬如即將舉行嘅「總攻擊」遊行出現咗「物資供給站」。試問,喺法治社會之下,示威抗議,就係對「民主」、「自由」嘅解釋咩?呢個簡直係對香港法治嘅侮辱。

一系列不斷升級嘅過激行為導致全港交通癱瘓、店鋪歇業、街道一片狼藉,香港民眾冇辦法正常生活。有報導指出,持續嘅示威遊行導致核心區鋪租包括銅鑼灣、灣仔、中環、尖沙嘴同旺角等租金跌幅達20%至50%;香港零售管理協會表示6月同7月首周,營業額平均錄得單至雙位數跌幅;香港工聯會表示,占全港三分一嘅建造、旅遊、零售同飲食業工人嘅飯碗,亦遭受近期暴力衝擊影響。持續嘅遊行示威令香港呢片樂土全方位嚴重挫傷,唔通呢個可以聒不知恥咁認為係代表香港嘅民意咩?

睇翻警方,面對手執磚頭、鐵棍、暴力阻撓、暴力對抗執法,香港警方已經表現出足夠嘅剋制,而拘捕暴力衝擊立法會、沙田衝突等暴力狂熱份子更係彰顯咗捍衛香港法制同社會秩序穩定嘅決心。除咗冷靜同理性,特區政府同警方已經明確表示唔會再次縱容暴力肆虐,從拘捕衝擊立法會嘅27人到沙田暴行嘅47人,再到8名對警員「起底」嘅人士以及2名投擲汽油彈嘅涉案人員等等,7月20號,警方又拘捕咗一名27歲嘅港獨組織成員,佢嫌疑製造TATP烈性炸藥。警方嘅行動表明香港法制唔容許受到侵犯,所謂反對派同港獨嘅「自由」僅僅局限喺法制之內。

反對派喺接受採訪時講到「香港唔單止係一個金融城市,亦係一個具有象徵意義嘅抗議城市」,呢句説話首先嘅前提係香港呢個國際都市,一個公正法治、繁榮安定嘅城市,一片繁榮昌盛嘅樂土,後面先講係一個「具有象徵意義嘅抗議城市」。任何脫離呢個大前提,無視公正法治嘅抗議,都係同民主多元價值背道而馳。香港依家嘅繁榮昌盛,係全港市民咁多年辛苦打拼嘅心血,港人真正嘅民意,永遠都係希望香港能夠恢復安寧,喺公正法治同和諧安定嘅環境中繼續延續香港神話。

回應 (0)
我要發表
user