7月尾臨危托沽.水逆災未完

2019/07/25 23:59:42 網誌分類: 經濟

25 Jul

港股沖高回落, 收窄升幅, 連升3天再度受制於28600, 熊死牛命危

25/7 周四恒指收報28594, 升70點(最多上升104點, 一度下跌7點)

水逆災月.暗湧處處

港股雖然連升3天, 繼昨日收復10天線後, 今日進一步收復20天線, 不過仍未站穩, 因為近來都係乾升乾跌, 升跌都不能盡信, 大市仍在28500窄幅穿梭, 大鱷用緊拖字訣來養牛熊, 部署日後的殺戮, 昨日殺熊583張之後, 不但28600企唔穩, 28800亦攔路, 輪到牛牛要小心, 因為只要插穿前底28071就可殺牛近三千張, 27800附近牛牛亦愈養愈肥, 大鱷今個月未食夠牛熊交數, 所以未來幾日要追數

香港遊行及暴力示威已成常態, 每周一大鑊, 暴力不斷升級, 擺陣挑戰警方/政府, 香港人心惶惶沽壓增.買盤縮, 港股連日上升後燈神唱好, 相反指標係要小心港股要落山, 下試28000大關

要留意中港美三地股市多數係同步見底頂, 當中美股市掉頭回落, 港股沽壓亦會增加, 道指於16/7高見27398後過去一周不斷上試仍無法更上一層樓, 美元走強, 連日於97之上高企不下, 人民幣在低位徘徊, 資金流利淡港股, 不過港股28000/10700/上証2900似有人睇場, 跌穿後往往會彈番上去, 可能係想溫水煮蛙式派貨,

陸蛇說是外資唔想放生淡友, 要擔心的是假如香港的暴亂幕後黑手是英美, 外資伸埋今日呢腳上去逼死淡友, 好友食胡, 托埋結算, 加上過去兩個月反對派亦已累積足夠民意支持(如暴動初期港股插, 市民就會對港獨派反感, 所以一直力撐), 托市誘因消失, 就可以玩大插插, 股樓齊跌就可逼政府就範, 想起都令人心寒,

香港今次死得, 反修例只係煙幕, 來誤導民眾上街, 黃絲志不在此, 真正目的係搞港獨, 成敗對於幕後黑手來說都冇所謂, 因為香港都已千瘡百孔, 成為戰場, 沒有外資來的地方就會變死城, 香港係美國打倒中國的棋子

一般來說, 港股橫行一段時間就會向上衝, 挑戰前高位, 但今次連升3日仍無法向上突破, 繼續受制於28600及28800關鍵阻力大位, 反映高位沽壓沉重, 靜極思動, 不進則退, 今日恒指即市波幅只得111點, 極為反常, 波幅突然大幅收窄, 係大龍鳳先兆,

~~~~~~~~~~~~~~~~~~~~~~~~~~~~~~~~~~~~~~

27584~28022裂口是後患

19/6 恒指上升裂口 27584~28022(未回補是後患)
19/6 國指上升裂口 10538~10717(已補回至10632)

到目前為止恒指本周波幅有461點只係勉強達標, 由於本周收跌機會大, 不進則退, 除非玩窄幅就算數, 否則就要下試本周低位28303來擴大周波幅, 一般來說, 恒指每周升跌比例通常係2:3, 即係會升/跌2~3天, 但如今只係跌左1天, 即係下跌日數未達標, 明日收跌機會大

早市高見28626, 按照慣性走勢就要升穿本周高位28764然後挑戰上周高位28809, 但午後沽壓加劇, 高見28628隨即掉頭向下, 只係略為升穿早市高位2點就打回頭, 走勢欠佳, 亦打破了慣性走勢, 股民趁反彈沽貨鬆人皆因港獨派玩遍地開花, 禍及香港經濟, 百業蕭條, 怎可能沒有影響!

港股餐餐插完都識彈, 陸蛇說期指盤係散戶沽，外資大戶揸。大孖沙話，外資唔夾到散戶投降唔會收手，所以佢對後市不是睇得太淡，認為或有回落，但未必會大插。佢話外資大戶無好死，會任由個市跌，畀條生路造淡的散戶平倉走人。

~~~~~~~~~~~~~~~~~~~~~~~~~~~~~~~~~~~~~~

QQ掩護洗倉式走貨

昨日和今天都見本地股份例如地產股沽壓大增, 今日亦逆市下跌, 新地洗倉式大瀉, 走勢極不尋常, 大鱷推高QQ來掩護出貨, 托沽味濃, 因為QQ不受香港暴動影響, 大鱷/大戶/基金/大媽玩緊換馬避險, 明日又會有周末避險沽壓效應, 警方雖然發出反對遊行集會通知書, 但周六黑衣殺入元朗應無可避免, 好友小心明日沽壓大增!

港獨派沒完沒了地搞事, 政局混亂, 人心不穩, 勢必拖跨經濟, 香港前景堪虞, 假如你係大戶投資者, 會否來香港投資呢? 假如你係大鱷, 會推高港股派貨散水抑或咬住高位接晒散戶的蟹貨呢? 留意地產板塊強弱會有啟示

近來港股無論點震, 收市位都係在大戶開倉水平28276/10732之上, 代表好友仍未放手, 如失守就代表好友鬆人, 通常每月的20號至月尾係創月內高或低位的時間窗口, 早前做兩隻腳28080/28071後高見28809/28764已彈完, 小心大市要回吐, 沖完頂就要再試底, 要再下試28000大關, 留意QQ表現就可知好友有冇誠意撐市,

~~~~~~~~~~~~~~~~~~~~~~~~~~~~~~~~~~~~~~

港股+香港大難臨頭

股市及經濟密不可分, 反映經濟的波羅的海乾散貨指數 BDI 早前升到彭彭聲, 亦已見頂回落, 昨晚更大幅下挫, 走勢向下, BDI形勢不妙, 種種跡象顯示港股有暗湧, 同香港一樣, 大難臨頭

8/7~1/8 水星逆行, 期間有中美貿易談判, 有聯儲局議息, 業績期, 港獨暴力示威, 7月第二周開局第一天(8/7)就踏入水逆時段, 港股即插, 揭開災難的序幕, 不過估唔到係港股仍然在28500穿梭, 水逆期間反而係香港沉淪, 水星逆行真係好邪, 有分析指水逆尾聲通常係特別危險, 巧合地, 陸蛇亦曾經講過小心月尾港股會大幅回吐

競價的慣性走勢: 近來恒指低開多數低收, 就算收升, 幅度也不會大

美企進入業績公布期: 摩根大通、花旗、高盛和美銀派成績表，打頭陣的是花旗銀行, 小心股市會大幅波動

30~31/7 聯儲局議息, 市場預期美國會減息, 小心美元大幅波動會禍及金融市場

8/7~1/8 水星逆行災難未完

中美周二(30/7)在上海重啟貿易談判, 成為好友推高大市的藉口, 但港股連升3天已乏力再進

周二(30/7)期指結算, 好友一直力守7月份開倉水平28276/10732, 每次跌穿即彈, 要留意會否咬住呢個水平來結算, 不過水逆未完, 結算後小心小心

===================================

誰在托市? 有何陰謀? 何時大插?

過去兩個月香港立立亂, 港股理應大瀉, 但卻在28000~29000窄幅波動, 溫水煮蛙式派貨, 陸蛇說是外資唔想放生淡友, 我反而擔心假如香港的暴亂幕後黑手是英美, 外資伸埋今日呢腳上去逼死淡友, 好友食胡, 托埋結算, 加上過去兩個月反對派亦已累積足夠民意支持, 托市誘因消失, 就可以玩大插插, 股樓齊跌就可逼政府就範, 想起都令人心寒,

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$

7月尾臨危托沽.水逆災未完

網誌分類

已關注

最新網誌

最新回應

月曆