時事即興3

現金世界講金，邊個同你講心？邊個承認市儈？就喺亂世高人。

睇下而家狀況，利益發起抗爭。驚住比人追債，結集三五成群。

反對政策立案，只怕傷到自身。何況貪汚舞弊，最怕廉記拉人。

更怕請去問話，咖啡斟完又斟。坦白從寬之後，比銀未必放人。

到時一抽二lun，大鱷小鱷好甘。告上法庭待判，監獄乍起風雲。

為咗轉移視線，稔計見縫插針。方方面面自保，在在處處抗衡。

所以不遺餘力，不惜大派現金。以便招兵買馬，十八區內橫行。

加上西方勢力，隨時貢獻黑金。支持煽風點火，志在香港陸沉。

拖慢中央計劃，務令祖國痛心。暴民不知自愛，成日白霍沙塵。

發夢奪權造勢，發夢靜候佳音。發夢自由民主，發夢英國重臨。

從此回復當日，港督又再現身。恢復殖民政策，誓做二等公民。

唔理香港淪陷，唔理外國入侵。以為後退有路，以為隨時鬆人。

冇稔自己父母，冇稔骨肉至親。只想政治庇護，只想避難移民。

好聽慘受逼害，所以國外狂奔。試問有乜價值，待遇高過別人。

有朝身到國外，邊個同你有親？怕咗風頭火勢，先至對你留神。

對你體貼照顧，對你問候關心。背後嚏之以鼻，不外下等公民。

試問世界各地，邊個做你知音？唔怕入籍之後，你又化身超人。

怕你招搖過市，聚眾惹起紛爭。反對政府政策，隨時示威遊行。

所以專買你怕，展開禁固方針。你已冇晒退路，被逼做咗囚人。

需要你去亮相，自然比你現身。你已身不由己，難以自主自行。

好聽貼身保護，難聽唔太放心。怕你亂噏廾四，怕你失禮死人。

到時肉隨砧板，邊個叫你獻身？邊個唔用大腦？邊個枉作小人？

所以因果自負，所以食果了因。凡事再三思想，切忌欲火高焚。

謀定而後動作，邊有鴿乸咁金？光棍麻甩教仔，醒醒定定做人。

唔好亂貪著數，結局惹禍喪身。何不循規蹈矩？衣衫不帶纖塵。

縱然共產唔好，未能令你歸心。何不放長雙眼，先至武墨弄文。

香港回歸日短，效果未必稱心。不妨拭目以待，或會令你醒神。

香港份屬仔女，中國就喺母親。久別重逢骨肉，點解做咗仇人？

有人挑撥離間，搬是弄非至真。從中上下其手，不斷攪起風雲。

西風講到呢度，難免難過傷心。稔到未來日子，後代難以做人。