20190901「真金白銀運桔河馬仔賽馬專欄」

兩季累績 : - $226900

如果有幸贏到少少的話，做點善事吧。

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

第七場 (第三班 1200米)

「金鎗六十」 厲害之處不只是同程未敗，而是試過沿途近乎無遮擋，都可以輕取對手，上年千四一場可能真係對手過強，但今場其實與之前可勝之今場明星「牛角仔」磅位與該場不算差好多，而上次一場雖然話 「牛角仔」蝕三疊，但該場連隻「壽臣」走極外疊入到直路都以為贏得，「金鎗六十」 未必不能再度氣走「牛角仔」的。

「開心好玩」此駒步步超高均速氣走千四對手，當然最擔心是其出閘不準，以及騎師久疏戰陣的問題，但此駒能力殊不簡單，只要榮仔當佢「極奇妙」一味放頭，呢場唔係好多馬頂到佢的前速。

「瑩之光」相信現評分，只能靠雷神幫一幫，此駒跑田草千二一定要縮得好好先有贏馬機會，而如非雷神騎早就放棄咯。