大量優惠券等你攞 Jetso App「生日三重賞」隨時贏按摩椅

2019/09/10 04:12:25 網誌分類: 生活

10 Sep

        　　頭條Jetso App為慶祝《頭條日報》邁向十五周年，推出「生日三重賞」，第一階段由今日起一連十日有得賞，大家打開頭條Jetso App內右上角嘅QR code掃描器，掃描每日《頭條日報》頭版上角或文中嘅QR code，即有機會攞到免費換領香港地熱絲級奶茶嘅電子優惠券，仲有超過二十張激筍優惠券等你攞。另外，玩埋「勁抽幸運獎」仲有機會贏Maxcare語音版隨心椅。

        　　活動「一掃即中獎」，請大家飲香港地熱絲級奶茶。Kelly就好想抽到海皇粥店獨家優惠券，只需十蚊就食到菜乾排骨粥，粥軟綿又足料，仲可以加九蚊換埋齋腸粉，齊齊篤腸粉。消費滿二十蚊，仲送埋杯自家製豆漿畀你。今次活動優惠超過二十款咁多，次次都有驚喜。

        　　玩完「一掃即中獎」，就記住玩埋「勁抽幸運獎」抽獎活動，隨時贏到Maxcare語音版隨心椅。Kelly試過坐係隨心椅輕輕同糖妹對話，只要講出你需要嘅指示，糖妹就會語音導航幫你調教到最合你心意嘅模式，隨心椅提供六種自動按摩模式，揉捏、拍打、敲擊、指壓等按摩手法樣樣齊，仲有三種按摩速度揀。特製SL型按摩曲軌緊貼脊背，用內置喇叭邊播音樂邊享受零重力按摩就至正啦！

        　　Kelly提提大家，每人每日上、下晝各有一次機會攞優惠券同抽獎，快啲叫埋friend一齊開Jetso App玩啦！

        Kelly Chu