有Q嘜就知有品質
2019/10/10 04:13:08 網誌分類: 生活
呢個香港Q嘜優質標誌計劃，係香港工業總會轄下香港優質標誌局推出，當中係分產品、服務、環保管理三個範疇。優標局主席丁煒章（右上）指而家Q嘜計劃拓展至內地、香港、澳門三地，積極發展配合大灣區發展規劃嘅需要，咁大家都放心喺呢三地買到優質嘅產品服務。丁生仲話優標局每年會發出逾2,000張Q嘜准用證，而獲認證嘅品牌仲遍及衣食住行各方面！
香港工業總會主席葉中賢博士（右下）仲透露，佢地早前申請咗工貿署嘅「工商機構支援基金」，正籌備一個為期兩年嘅項目，透過舉辦展覽會同社交媒體推廣等，支持加強有質素品牌嘅知名度。聽到葉生咁講，小弟都好期待活動嘅舉行。
Jacky哥
■主禮嘉賓財政司司長陳茂波、出席嘉賓、工總領導與一眾Q嘜認證企業代表合照。
回應 (0)
我要發表