願望成真基金聯同國泰助模擬訓練 十歲白血病童 喜圓機師夢
2019/11/04 04:12:20 網誌分類: 生活
十歲嘅諾謙來自澳門,佢喺幾年前患上急性淋巴性白血病,要到香港接受治療。長時間喺澳門及香港兩邊走,令諾謙更加辛苦。不過,諾謙媽媽話:「感恩嘅係,喺身邊人默默照顧同陪伴下,諾謙無抱怨同失望,仲使用比我想像中更強嘅勇氣,克服逆境、完成治療。」 諾謙自小鍾意研究機關、機械,佢喺病榻中,仲主動認識飛機嘅相關知識,又繪畫一幅幅飛機同駕駛艙嘅畫作,夢想會成為飛機師。
基金同國泰航空知道諾謙嘅願望後,立即設計同安排諾謙嘅願望日行程。當日,諾謙從國泰副飛行訓練經理兼機師馮應聰手中,接下聘任書,穿上度身訂造嘅機師制服後,接受訓練。佢喺模擬駕駛艙執行駕駛任務,最後踏上飛機、走入真正駕駛艙。諾謙話:「經過願望日,明白原來做機師喺不容易,而且困難重重,但我會繼續向目標前進,希望將來成為飛機師,載爸爸、媽媽同哥哥去日本!」Kelly睇完故事,都覺得好感動,希望諾謙繼續努力,早日達成夢想!
Kelly Chu
■諾謙(左)穿上機師制服,喺模擬駕駛艙執行駕駛任務。
回應 (0)
我要發表