答兩讀者
2008/04/25 12:26:49 網誌分類: 未分類
關慧玲小姐, 你好
我一直都有留意你寫的專欄, 包括之前小豆&BBQ給人遺棄後再轉到你手上去照顧等等, 我一直都有留意, 其實我有打算領養, 可是我家已經有2隻龍貓及一隻又是被遺棄的倉鼠女, 2隻龜加一缸魚......其實我可以領養到小豆或BBQ的, 但基於屋企有3隻大中小鼠科動物, 再養多隻小貓, 好似對牠們每"個"都不公平, 所以我最後放棄了, 不過今天再在報紙上看到, 小豆&BBQ已經有人照顧了,所以真係好戥牠們高興, 希望牠們健康快樂成長.....
關小姐, 我還知道你家已經有8隻貓大爺, 你可否以後在報紙上公開將牠們的生活點滴.......最好還有圖片啦, 我期待著呢, 會繼續支持你....BYE
B仔&PINKY及阿花(3隻鼠科動物)的奶奶
SAMMI上
答B仔&PINKY及阿花(三隻鼠科動物)的奶奶SAMMI：
呵呵你個名咁長嘅。
多謝你支持，日日對著八個貓大爺，可以寫的有趣事還有很多很多，其實除了逢星四刊登在頭條日報外，我這個頭條網是隔日更新，而且有更多相，多些上來捧吓場啦。
好多人一時興起把動買了回家，發覺照顧很麻煩又棄掉，好在有你這些願意照顧被遺棄動物的主人呢。
DEAR LING,
原來貓貓都有情緒病...
小強4個月大時買回來的, 現在11個月大, 是美國短毛貓, 在4月6日做了絕育手術, 之後都冇乜反常既野出現, 直至到上星期三晚上, 我放工回家, 小強都很正常同平時一樣, 一見到我回家就跟着我要攞野食, 到了8時左右, 牠訓在地上, 特然間從地上跳起來, 無定向咁撞, 好像見鬼咁樣, 其實我想佢當時係想搵地方逃走, 但佢慌張到眼前是怎麼都看不見的, 所以周圍撞, 好怕佢整傷自已, 到現在佢個病都仲未好.... 時時都keep住防守狀態, 一有小小聲音佢就成隻彈起. 而且, 我感覺到佢好像一隻新既貓兒去了一個陌生既家庭的頭兩日咁, 怎麼都陌生起來, 起碼佢對我都是當我係一個陌生而又是新既主人咁看待, 好像從來都未見過我咁, 好心痛...
小強之前係一隻好活潑同天不怕地不怕既貓貓..其實佢原名叫傻強的, 係呢排見佢出現問題..所以改叫佢做小強. 以往佢同我一齊訓覺的, 現在此情不再了!
我曾托朋友代問一些獸醫, 醫生所說是會有這種情況出現, 可能性係d
麻醉藥或電解質既影響. 其實我都唔係幾明.
唔知小強幾時至會好番..嗚嗚嗚 ...~~
你的粉絲上
Windy Kwai
答Windy
是的，動物有悟性，亦有心情起落。聽說有醫生可以開讓動物情緒穩定的藥，就像人醫情緒病一樣，但我覺得未必需要走到吃藥這一步。
搬家、換主人、做大手術，或是伴侶離開，都會令牠們情緒低落甚至抑鬱，我已過身的貓黑雪就是抑鬱而死的。
給牠安靜的空間，多撫摸牠的頭，軟聲跟牠多說話，相信會好起來，牠始終視你是親人嘛!
如未見改善，再找獸醫不遲。祝貓貓早日康復。
但的確，有些貓經過多年獨處，難以接受其他新貓，你的貓是一直一隻自己長大的嗎?
如果真要多養幾隻，而你的舊貓妒嫉心重的話，記者一定要揀貓B，貓B初到埗時，記著多攬舊貓，多撫摸牠，通常一至兩星期就會沒事。
貓是非常感敏的動物，要好小心處理牠們的感情吶。
Windy的case真係好特別呢，比起自己那隻貓先知道是小兒科呀！