長江中心報佳音李澤鉅捧場

2019/12/19 04:12:24 網誌分類: 生活

19 Dec

        　　聖誕節係普天同慶嘅日子，昨日歌聲、笑聲、祝福之聲就傳遍長江集團中心大堂！由長江集團同其他公司基督徒組成嘅「長江活水」頌唱團，昨天展開連續第六年嘅聖誕報佳音活動，同大家同慶佳節，歌聲真係好溫馨，除吸引一眾中環人駐足圍觀外，長江集團主席李澤鉅亦親身去捧場。

        　　長江集團嘅fb專頁話，今年報佳音嘅主題歌曲係「平安」，歌詞提及「主，祢賜下平安……我的心不必再憂愁，也不用膽怯……」，特別適合喺現時紛亂嘅環境撫慰心靈，送上溫馨愛意。在此祝願大家今年的聖誕佳節滿載平安與喜樂！

        　　Kelly鍾意聽聖誕歌，如果大家都鍾意，喺今日同明日下午一時仲有兩場報佳音活動，屆時喺長江集團中心大堂見啦！

        Kelly Chu