戲曲中心躋身百大打卡景點 西九粵劇實驗劇場 北京贏大獎
2020/01/22 04:12:27 網誌分類: 生活
由西九文化區管理局表演藝術主管（戲曲）鍾珍珍監製，並與黎耀威、黃寶萱攜手執導嘅小劇場粵劇《文廣探谷》，係具實驗性同突破框架嘅戲曲作品，劇目透過粵劇嘅傳統排場，引領觀眾欣賞與反思戲曲嘅「古老傳統」，仲探討對於戲曲傳承嘅看法。
鍾珍珍同Kelly講，由於北京喺國家戲曲重鎮，佢哋參加第四屆北京新文藝團體優秀戲劇展演嘅時候，個心「戰戰兢兢」，喺過百場候選話劇同戲曲作品中脫穎而出，榮獲戲曲類嘅「最佳劇目」。而劇中身兼編劇、導演同演員嘅黎耀威，更獲選為戲曲類「最佳演員」，反映劇目不但深受觀眾歡迎，仲獲得業界讚賞。鍾珍珍話，《文廣探谷》首演在北京，今年之內將會喺戲曲中心作香港首演，叫資深戲迷同年輕觀眾都不要錯過，Kelly一定會去撲飛。
此外，身兼香港藝發局副主席嘅西九戲曲中心顧問小組主席楊偉誠博士仲同小妹講，戲曲中心除咗有好戲睇，建築風格亦引起國際讚賞，仲被評選為世上一百個必到打卡熱點，唔怪得知小妹行過，見到門常開嘅正門外，成日有旅客喺度selfie啦。
Kelly Chu
■《文廣探谷》係具實驗性同突破框架嘅戲曲作品。
■楊偉誠（左)與鍾珍珍開心分享得獎獎狀。
回應 (0)
我要發表