維特健靈夥本地專家 產納米殺菌防毒口罩
2020/02/25 04:12:13 網誌分類: 生活
聽到個名，已經覺得個口罩好厲害，原來係用納米纖維多功能物料，以精細纖維隔絕更多懸浮粒子及病毒，同時具殺菌功效。佢同一般口罩最大嘅不同係，平時坊間口罩係三層設計，而納米纖維殺菌防毒口罩因為摒棄咗傳統物料熔噴靜電棉，改由靜電紡絲設備生產的納米纖維網（Nanofiber），所以個口罩用雙層設計就得！
納米纖維口罩更精密幼細外，仲具高透氣性，有效隔絕空氣中更多病毒，兼夾可隔埋懸浮粒子，同時加入了能破壞細菌胞膜的醫藥級別物質，具殺菌之效。真係病毒見到都掉頭走。維特健靈董事長陳曦齡博士話，撥出最高規格嘅廠房同資源，以生產藥物嘅標準去做口罩，守護大眾嘅健康，估計三月中就會推出約三百萬個口罩，會以成本價發售，或捐贈之用。大家留意啦！
Kelly Chu
■納米纖維殺菌防毒口罩因為摒棄咗傳統物料熔噴靜電棉，改由靜電紡絲設備生產的納米纖維網（Nanofiber）。維特健靈提供
回應 (0)
我要發表