媽媽擋
媽媽擋
媽媽擋

濾水器推薦,為什麼選擇B&H?

2020/04/24 14:32:50 網誌分類: 健康
24 Apr

自從铅水事件後先知原來水喉水咁污糟。 屋企準備增加新成員,為咗佢我哋兩公婆做咗好多準備同資料搜集,係網上睇咗好多濾水器測試報告、濾水器推薦文章最終係一田買咗B&H皇家衛兵OCEAN MAX濾水器,係度想同大家分享下我點解買咗B&H,上個月我去到大埔一田就見到3M,  Doulton,  B&H,  Philips .. 等幾隻牌子,我想買一款比較環保而且又可以清洗濾芯的款式,所以我係 Doulton同B&H之間揀,最初睇咗Doulton先因為呢個比較老牌子而我有朋友都用緊,但聽sales 姨姨介紹完後再睇埋B&H,起初B&H Sales姨姨介紹一款約$1,000左右的陶瓷濾水器比我,其實來來去去兩間都差唔多,但sales姨姨知我屋企準備迎接新成員,立即介紹佢哋最新出的皇家衛兵OCEAN MAX濾水器比我,折咗 $2,200大元,佢話呢款濾水器係原裝英國制造,連間廠都比埋我睇,最重要係呢支芯比佢原本介紹嗰款CTO+濾芯過濾種類高出30%, 而成全支濾芯都係藍色就吸引咗我企定定聽佢講下有乜咁勁。原來呢支濾芯可以過濾埋病毒 ,包括輪狀病毒和20幾款水內含有的藥物(好似 : 抗生素、止痛藥、激素咁) ,唔講唔知原來我哋飲緊嘅東江水水嘅喉係咁污糟嘅,好多有時非法傾倒藥物去河流,攪到啲水被污染,所以聽過一啲報導話現在的小孩越來越早熟可能都有關係。

購買濾水器最怕買完不能安裝

其實有少少插曲,我考慮喺廚房安裝濾水器嘅時候其實都好擔心會安裝唔到,因為上網睇過一編濾水器推薦2020都話有部份水龍頭係唔可以安裝濾水器,如果裝唔到就要裝櫃底的濾水器跟住又要係枱面裝一支水龍頭,我唔想咁麻煩。因為打算遲少少要搬新屋,就係咁我好猶豫又頭痛,點知B&H sales 姨姨話比我個知有個超正服務就係影咗自己的水龍頭圖及度好沙咀的呎吋messenger /whatsapp 比佢哋公司,佢哋會有專人分析同話我知係咪要特別配件重話如果要配件會幫我配添喎,而且重話裝唔到重包退同換,咁就放心晒啦 ! 

返到屋企開箱啦,見到佢內膽好複雜,老實講有啲難開不過我唸係為咗保護支濾芯,話曬支濾芯都係陶瓷做,小心啲好 !

濾水器推薦

成套嘢入面只有5樣嘢,1) 一條好長的勾管、2) 一支藍陶瓷濾芯、3)一個分水器、4)一個接頭、5)說明書係咁多。 呢支勾管同之前我睇過嗰啲款有啲唔同,佢特別長又高,支出水勾管比較高方便盛水及調較不同角度。分水器上原本裝了一個原裝內啞配件,就係隔離細細粒嗰件,記住記住要放個膠圈, 如果唔係會飛啲水出嚟。

**支勾管插入這個出水位,留意有兩個小膠圈,如拿出來清洗時唔好整跌

講返少少支藍色陶瓷芯,我做過吓啲資料搜集,呢支嘢唔只係可以過濾水中泥沙、鐵鏽、細菌、隱孢子蟲等,而過重金屬效能仲好勁,佢過濾鉛、水銀、鎘、鉻99.9%,市面上我未見一支陶瓷濾芯係可以過濾病毒和藥物,唔睇都唔知原來佢嘅MAX 炭壁內層採用專利配方,有效去除水中的各類常見藥物如抗生素、止痛藥、類固醇激素、激素 ( 17-Beta-Estradiol, Biphenol A, Ibuprofen, Ciprofloxacin等) 超過20類藥物都過濾曬。兩層陶瓷不同密度好似兩層雙色啫喱咁,發揮其不同保護,因為陶瓷表面充滿0.1-0.3微米的孔,有助隔走水中有害既嘢。 老實講如果唔係個sales姨姨提過水裡面有藥我都唔會返到屋企再search下相關資料,搵到編2016年關於東江水發現支流發現含有環境雌激素,其實咁多年不斷有報道都揭出水源附近工廠嘅污染物問題!! 其實買濾水器除咗聽sales 講, 睇好多濾水器推薦文章、濾水器測試報告都好,都要自己返屋企做下資料搜集。當時其實比佢支藍陶瓷吸睛,普遍見到的陶瓷芯都係白色,所以見到藍色忍唔住停低聽下。

龍頭式濾水器安裝經歷

呢款係我用緊的水龍頭,返到屋企立即除走沙咀量度呎吋後再send比佢哋, 9秒9就有專人復咗話需要特別接咀 ! 第二天買埋接咀就正式安裝,行咗兩轉係有啲煩,但下次可以問咗先再去買就唔駛再行。

扭開沙咀時嚇親因為超污糟  

度好沙咀呎吋,我呢款20mm

首先就除咗自己的水龍頭沙咀先,再安裝一個特別接咀,裝好後試好水就放支藍芯入去,即用。但係如果你驚你唔識裝唔緊要你上B&H個網睇返龍頭式濾水器安裝教學就得 ! . 第一次裝睇漏眼唔記得加返個膠圈搞到漏水,大家記住要放返膠圈 !

https://bhmagic.com.hk/zh-tw/product/ukss/

無加膠圈啲水飛灑出來

sales 姨姨話第一次用要開10分鐘水先,嗰啲我裝起佢淋花就算。我起初都係日日煲水,因為唔習慣一開水喉就飲,有次無凍水飲又好口喝膽粗粗就試下唔煲就咁飲,啲味道真係唔同平時未過濾的水喉水,無咗水喉水的臭味、氯氣味仲帶有少少甜味。

忘記講,Sales 姨姨送咗呢個花灑轉換頭比我,我覺得超方便由其洗碗,佢

加強水力之餘仲可以360度轉。個花灑轉換頭仲鐳射咗少少個兵. 好得意 !

B&H濾水器用後感:

安裝濾水器差不多1個月,水流越來越慢,老婆大人問我係唔係要洗濾芯,我先記得所以就擰出來洗下去,原本呢支芯有啲似寶石藍的顏色, 濕咗水更加深色,一打開部機見到支芯嚇一嚇呢支芯變咗綠色 --- 藍+黃=綠 ; 我起初嚇了一跳,但問過後發現原來係自來水的雜質、細菌、污糟嘢首先隔咗係第一層陶瓷面上所以就形成咗綠色的濾芯,洗走黃色的雜質後又可以再用。!! 用佢塊專用洗芯網輕輕擦下就得,洗到無咗啲泥黃色就放返入部機到。 呢塊網其實好似沙紙,起初覺得好奇怪點解有塊咁古怪既嘢用來洗芯,點知用過一次就知佢方便,唔駛用力輕輕抺就得,本來呢塊嘢要比錢買今次 sales 姨姨免費送埋比我。

 

濾水器推薦B&H的原因

濾水器推薦B&H原因係我覺性價比高又環保,B&H全支都係陶瓷得個蓋係膠而且濾芯可以洗再用,唔會4-6個月堵咗就要換個支咁貴而且我見3M, Philips, Panasonic 濾芯都係膠做,全支膠掉咗去好唔環保而且換支芯都$300-$700不等,如果6個月換一次好貴下,你知啦有BB洗費好大,慳啲好 !  不過佢銷售點唔多有時買芯就要去指定的專櫃,好彩現在有網購買芯就接送到屋企。

仲有一樣嘢值得讚下,佢哋好貼心1年佢哋就會短訊話我知夠期換芯,仲有佢哋youtube仲拍咗片教大家點度沙咀,過百款配件幫你免費配對埋 !!

濾水器推薦B&H係我今次的結論,用咗一個月左右覺得自己無擇錯之餘,我仲介紹咗好多朋友、屋企人用佢 !

回應 (0)
我要發表
user

網誌分類