轟隆轟隆
2008/05/27 00:57:09
網誌分類:
生活
轟隆、轟隆、轟隆、轟隆、轟隆、轟隆!
是火車聲嗎?
是雷電嗎?
原來是
就是我家的冷氣機呀!整年冇開過了,怎料一開機就發出嚇人的 "轟隆" 聲,攪到我整晚沒法子入睡,早上,又要跟囡囡乘校車回校,因為今日又要講故仔,講完故仔,我又躲入圖書館,對著電腦時已經好想訓,就這樣一邊上網,一邊打瞌睡。
一直捱到中午,清潔完課室後,飯也不吃便衝回家去了,本來很想睡,但成身汗,又熱屎辣辣,怎上床睡呢!最後只好洗過臉便算。隔了一陣子,天上忽聞打雷的聲響,還是趕快到街市買菜,要不然下起大雨來,我便會渾身濕透了!
我覺得今日真係好幸運,從家裡走到街市買菜後,都只是灑過一雨滴雨水,回家後,雨就像倒水般落下來,在廚房攪完一輪後,又夠鐘去北角接囡囡放學,當我抵達電車站,剛目送了一班丁丁,心裡嘀咕著為什麼自己不早一點下來呢!可等了五分鐘後,另一輛丁丁便埋站了,上車後不久,又來傾盆大雨,心裡想著,幸好我今日有備而戰,穿了一身賓妹look,踢著一雙高高的人字拖,可以避開路面那些積水,但我又再次幸運地,在下車時竟然半滴雨也沒有,若我搭早一班丁丁,一定變成落水狗了!
真要多謝天公的眷顧,讓我整天都乾乾爽爽的!
今晚再熱都唔會開冷氣
兼且要早點上床睡
各位網友Good night!
回小琳,
唔熱呀, 呢幾晚都好涼, 熱就開風扇囉~ 我覺得好過開冷氣㖭~
I am asking u to visit my home,,,hahahaaaaaa
自己買機票啦,HOHO
Candy,
你部冷氣機咁 "嘈嘈閉",真係快些叫人維修呀!
俗語有云:「淡定有錢剩!」
呢句話一點冇講錯,有時候運氣呢回事又講唔埋的,加上 Timing 又夾得啱,「走運」起來又真係唔到您唔信喔........
快些維修呢,最近天氣認真熱到人都傻呀
黎睇下Candy又有乜好介绍先:
嘢!好大声沃?哗!仲闪埋电添!
乜只猪猪甘都训得着0架?点解次次黎都见到只猪猪训觉0既?
唔通系我D生物钟有问题-------哦,唔好意思,自己在美国沃,真系搞错左添!
安睡--------
1)首先清潔隔塵網. 都有聲
可能 是
2)冷氣機 的 風扇底 有水 去不到, 所以 開機時 風扇行得不順 發出聲響, 要清潔污水(我的經驗)2) 冷氣機 的 風扇 已經破裂, (冷氣機 用了多少年), 要買新機了 (我的冷氣機情況一樣)
XDXD**
我家冷氣機還蠻乖的,都不會吵。
不過我把他打進冷宮了。
環保1點,不用冷氣。
(其實是因為我鼻敏感,用冷氣會惡化)
這一年,我還沒開動過我的冷氣。
真係感同身受呀!
話說舊年我房部冷氣機又係咁「開夜車」,攪到晚晚要用個枕頭包住個頭瞓覺。
好彩老爸幫手洗過佢今年終於靜翻!
我家住一樓,,再過一段時間開冷氣,,HOHO
呀,
小意又唔記得抺冷氣機添 =.=
同意冷氣機有時蠻嘈吵的……
不過candy,是時候要換部新的冷氣機喔~!
一年比一年熱...
唉!愈窮愈見鬼,我試過家中冷氣一部跟着一部壞,一年換了四部冷氣!