書展推遲連鎖效應 音響展押後 發燒友無奈
2020/07/15 04:12:15 網誌分類: 生活
書展推遲,產生連鎖效應,之後嘅動漫展、素食展等亦向後推。音響展大會發言人錢大姐同Kelly講,原定喺八月七、八同九三日喺會展舉行嘅高級視聽音響展,亦因應疫情嘅最新發展,將會同貿發局同會展商討重新找新檔期,現時講唔到幾時舉行。
錢大姐話,受全球疫情影響,今屆音樂展早已做好特別安排,即使外國參展廠商不能來港,將由本地代理替代,向發燒友講解最新嘅視聽產品同埋音樂潮流,好似耳機、串流設備等,多數係細細件,啱晒香港窄狹嘅居住環境。錢大姐仲透露,一啲高級嘅名牌膽機,今年亦推出小型個人視聽系統,聽到小妹都好期侍,希望疫情快啲過去,好書、好音樂同一切美好嘅事物重來啦!
Kelly Chu
■音響展大會表示,將會同貿發局同會展商討重新找新檔期。資料圖片
回應 (0)
我要發表