面書分享發財好消息 淑梅姐喜六合彩重開 話又有 「脫貧」 機會啦
2020/09/10 04:12:10 網誌分類: 生活
上期六合彩攪珠已經係喺今年二月一日嘅新春金多寶,淑梅姐難掩心中喜悅,喺面書話︰「好消息!」,「可以買六合彩!」,「只可網上和電話投注!」仲話以後每周逢星期四嘅一次攪珠,係「脫貧機會」,真係道出Kelly嘅心聲。
小妹係六合彩停止之前一次過買咗五期,仲有幾期未兌。馬會朋友話,已投注而未兌嘅,係可以延後保留嘅,即係仲有機會中獎。而九月二十四日攪珠日,頭獎一注獨中可獲八百萬元。為咗方便大家落注,大家可以喺九月十七日起,透過網上和電話六合彩投注服務,揀返啱心水嘅號碼,截止售票時間係攪珠當晚九點十五分。
Kelly Chu
■淑梅姐好興奮可以買番六合彩啦!
■市民可以透過網上和電話六合彩投注服務,揀返啱心水嘅號碼。
回應 (0)
我要發表