河馬仔河馬仔
河馬仔河馬仔
河馬仔河馬仔

(河馬仔賽馬專欄)2020/12/20

2020/12/20 01:29:55 網誌分類: 賽馬
20 Dec


兩季累績 :
- $250274

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

第一選
10『都柏名駒』上場雖然被問話,但如看上次發揮的話,某程度上佢在想搵遮擋之下沿途都被迫在外面,但在最後居然可到尾入到一席也算相當出奇,講真隻馬唔算好叻之餘,隻馬唔係幾能耐在馬林中困住追,但此駒上場幾能顯示有一定能力在前置情況下與對手一爭。今場對手應該有一定程度的快放馬在前頭,如拉得夠散佢有望在二疊轉得到好位,有望入到圍。

第二選
8『美麗高飛』雖然本身應該唔算好超,但隻馬上場有可能因為早段步速太慢,頓哥又留唔到隻馬有遮擋,所以大失所望。今次見試閘又好,最後兩課跳都好,試下教隻馬在馬群中串出,不過隻馬仲係個頭有點兩頭擺,今次有馬放望拉得散未必冇野睇。

第三選
7『王炸』隻馬在外地唔係大後上馬,係一隻浪頭大,但前速幾好的千三四米馬。在澳州尾個幾場,多場跑第二,也幾要一位硬功騎師發揮才可迫到隻馬的耐力,應非恩兄能好似上場般,沿途留後又搶口,跟住飛出大外檔,都算識追,基本上場真係算數吧啦。今次用上巴度又係有點意外,保護權堅持田草千二,仲有個內檔,此駒最後一場在澳洲柏寶騎的一場走三疊都可頂住及後不俗之Cordilla,今場如可起步順暢,隻馬上場跑落可能非質庸之流。

四重彩腳
1『順勢贏』有磅減如立心放頭未必冇機,上場困在馬林追得唔好當然失望到極,但有七磅減如肯放頭的話可能博到一席,至少在磅位上與『共同勝利』有一定差距。
3『利害了』唔知點解有一個星期係有快功夫耐左兩日左右,但咁耐唔跑問題又係大一點,上場當然精彩但該場放頭馬唔多,而且當時樂哥有十磅減,現在是七磅,而且馬身又真係漲左唔少,多真正快馬放頭下唔知呢個分仲有冇水位。
5『共同勝利』其實外地又好,香港也好,都跑過好幾次唔係一隻可大外一氣突然加速的馬匹,所以上場一留到太後要追就好難。今次要望神蘇起步時早早迫前少少,否則如留得太後非此駒所長,此駒係要在彎位步步咬上的賽駒,但如今次同『順勢贏』再拉開磅位確實難度更高。
 
其他
『雪霸神駒』都好少見呢個倉D馬操到隻馬似強哥隻『銀豐神駒』咁緩,隻馬當年講到咁勁,但跑到現在咁無戰鬥力都算出奇。
『弛曜風』用田田本來都幾想要,但上場被困唔追唔多奇,但前一場真係在谷草一滴都冇,而此駒真係跑谷草大外疊後追最勁,田草以前都要打一點折扣,現在更唔知隻馬要回到幾時。
『御金寶』應係一隻谷草一千至千二左右的快放馬,唔知今場會否早早擺前,係就前段仲亂,隻馬在澳洲跑個陣都係靠前速食糊,田草千二難頂一點。
『電訊犇豹』上場真係跑左近八百都企係度咁。
『加州更好』係精神左一點,但上年僅熟一場一來落大雨,二來個堆對手真係弱到離奇,仲有四分一落四班夠食。
『青心星』就算拉叔騎都真係冇乜信心,隻馬力短之餘,上場真係賺到前面盡到咁,過兩隻馬都過足一條直路都冇變化,上年大好形勢之下仲要輸俾隻跑到鈄哂的『翹軍』,轉到泥地又係差唔多料,回田草熱都要小心。
 
(河馬仔賽馬專欄)2020/12/20真投注紀錄

回應 (1)
我要發表
河馬仔河馬仔
河馬仔河馬仔 2020/12/20 17:02:12 回覆


2020/12/20「河馬仔賽馬專欄」,原來已經直落連輸三個月。

是日 : - $18920 + $1980 = - $16940

累績 : - $250274  - $16940 = - $267214
user

最新回應

河馬仔河馬仔
河馬仔河馬仔 2021/01/01

2021/01/01「河馬仔賽馬專欄」,2020輸到2021。

是日 : - $21000

累績 : - $267214 - $21000 = - $288214
河馬仔河馬仔
河馬仔河馬仔 2020/12/20


2020/12/20「河馬仔賽馬專欄」,原來已經直落連輸三個月。

是日 : - $18920 + $1980 = - $16940

累績 : - $250274  - $16940 = - $267214
河馬仔河馬仔
河馬仔河馬仔 2020/10/11



2020/10/11「河馬仔賽馬專欄」,「醒臣」跑快兩步就有十萬,冇就乜都冇了。

是日 : - $18645 + $1980 = - $16665

累績 : - $175639 - $16665 = - $192304

河馬仔河馬仔
河馬仔河馬仔 2020/09/27



2020/09/27「河馬仔賽馬專欄」,夠買PS5+月餅了。

是日 : - $18645 + $33770 = + $15125

累績 : - $190764  + $15125 = - $175639