河馬仔河馬仔
河馬仔河馬仔
河馬仔河馬仔

(河馬仔賽馬專欄)2021/01/01

2021/01/01 01:48:21 網誌分類: 賽馬
01 Jan

兩季累績 :
- $267214

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

第一隻膽
3 「簹多福」雖然韁口勁差,但只要唔亂放頭的話,絕非一隻庸駒,上場其實留到超級辛苦之下,轉彎僅敗於可能係短途怪獸之「包裝太保」,當然今次有唔少跟前的馬匹,也預期有一兩隻會放頭的馬匹,如果預計「共創繽紛」立心擺前的話,此駒今場有能力響下勝門,而上次苗莫配贏馬也是上次由豐哥跑完轉手,今次也不敢太輕視。

第二隻膽
8 「鴻運飛鷹」隻馬係銳,但本身在外地唔算太叻,但此駒有樣好係跑轉彎變速走甩的一類,而非上次留不住放頭之類。今次有一兩隻馬放頭的話可能係好事,睇下幫唔幫到隻馬早段留得好一點。而此駒乃此廄鮮有外地跑得極多,但來到香港居然咁快有表現的PP,可能適應後在三班係企得穩,穩但贏面唔高的。

四重彩腳
1「輝煌芯」馬雖然已冇分在手,而且再見停課,但以往都試過休後得手,今次重用倫哥壓陣,如果成功搶到頭段要慎防博埋呢鋪。
2「嘜誰嘜誰」會唔會食到級數呢,今次仲要減埋樂仔幾磅,隻馬30號一課算係精神,以前跑千二試過大後上,跑千四係有一定能力中置,79分-7磅之下唔知會唔會有奇事發生。
4「共創繽紛」在谷草加分都知可能冇乜太多能力在手,但勝在仲係正正常常,如果跟住「輝煌芯」個位估計仍有一定能力入前四。
6「無敵勇士」就算試閘一注菜咁,但上次的而且確在早段差唔多位置跑得贏隻「至尊高陞」之餘,仲係有點追勢,上場起步唔放已輸足九成,都唔明條韁放到咁長做乜。
7「綠色勇駿」呢隻補出最麻煩,呢隻馬谷草千二至一六五零都得,時衝時唔衝,跑法彈性到奇,唔知想點,今次又首次在賽前回從化一輪,仲係唔多知呢隻馬的跑法情況下,如果儲左點體能會否又有點變化呢。
10「多姿多財」之前有傷都好,但頓哥跑又唔敢飛,只係隻馬係細粒一點,而今年又用上放頭戰略,上場個第五唔算差得太緊要,未必純一隻谷草馬。



最後後備腳
12「南莊之歌」本身應有分在手,可惜真的受傷後長休不少,肥了點點,但最後一隻腳仍不能完全棄走此駒。


其餘講講
5「勇趣」外地第一場贏馬算精彩,但及後在英法跑大賽真係最後二百企係度多,此駒乃千四千六前領賽駒,型較細隻,遲點回谷草可留意。
9「澳華威威」隻馬晨操仲係好燥,條頸仲係唔得鬆。
11「新威力」隻馬型格幾好,可惜力度幾場仲係一般般,好似仲係學習階段。
13「四條煙」谷草一千應該就來有把握,落四班跑一千有好檔就要諗了。
14「二話不說」隻馬仲係爽但可惜排檔少許外,上場至少係唯一一隻前置入到圍的賽駒之一。但可惜今次內側極多跑法類似的馬匹,而上兩次都係有哂黃金內欄好位衝得只是咁多,如今場冇內欄之利可能真的比上次情況稍差。


(河馬仔賽馬專欄)2021/01/01真金投注紀錄
回應 (1)
我要發表
河馬仔河馬仔
河馬仔河馬仔 2021/01/01 15:22:09 回覆

2021/01/01「河馬仔賽馬專欄」,2020輸到2021。

是日 : - $21000

累績 : - $267214 - $21000 = - $288214
user

最新回應

河馬仔河馬仔
河馬仔河馬仔 2021/04/11


2021/04/11「河馬仔賽馬專欄」,冇隻11號就全中收幾萬啦,真心灰,今次都係輸足半年後首次有錢收番少少了。

是日 : + $23267 - $18900 = + $4367

累績 : - $315193 + $4367 = - $310826
河馬仔河馬仔
河馬仔河馬仔 2021/04/05



2021/04/06「河馬仔賽馬專欄」,中哂四重彩但要輸,以後唔買………………四重彩。

是日 : + $10821 - $16800 = - $5979

累績 : - $309214 - $5979 = - $315193

河馬仔河馬仔
河馬仔河馬仔 2021/02/14


2021/02/14「河馬仔賽馬專欄」,牛年中哂腳。

是日 : - $21000

累績 : - $288214 - $21000 = - $309214
河馬仔河馬仔
河馬仔河馬仔 2021/01/01

2021/01/01「河馬仔賽馬專欄」,2020輸到2021。

是日 : - $21000

累績 : - $267214 - $21000 = - $288214