無往不利
2008/06/04 22:24:48 網誌分類: 時事
香港是一個唔(好)奇怪的地方,隔冇耐,同一件事、同一過程、同一結果;一次又一次重演,唔厭嘅;只不過厭的是大眾市民。
我說的是:巴士工潮,一觸即發。
起初是某方提案,另一方唔鍾意;另一方再提,某方又唔願意。結果,傾唔埋欄;之後另一方拿出上方寶劍---罷工、又或者按章工作,最終,某方讓步,另一方又作一些退步,工潮解決.........市民捏一把汗。
老鼠奇怪的有二點:
- 早知如此,何必當初,兩方為何不早一點好好的溝通,動不動拿市民教非。
- 另一方好興用「按章工作」為武器,究竟這個「章」是誰訂的,訂了下來的規矩是給人去「守」還是去「片」的。這豈不是搬起石頭打自己的腳?
按章工作這一招對於一些公共機構如集體運輸、醫療服務、以及公務員等可以說屢試不爽,我們旣是他們的服務對象,也同時也是他們的武器。一旦,他們缺乏了「士氣」,相信又要拿市民「出氣」了。各位,小心!
忽然,老鼠想起今年公務員大幅加薪,政府話:加薪幅度顧及公務員士氣喎;但在大量財政盈餘下對升斗小民的小恩小惠,又有否考慮到民氣呢?
我也是打工仔,爭取加薪也是合理的,但.........不說了。
點解呢D嘅 pattern 會好似 TVB D橋咁重覆嘅?
因為呢D所謂工潮嘅幕後監製並唔係唔同行業嘅工人。而係果幾位全職為民請命,袋糧又成日頂恆老細,成日話要上司落臺,自己又有事就缺席會議嘅議員。
佢地個位,又食又威又惡曬,我都想做!
如果D公司明知最終結果而晨咁早作出退讓,結果一定輸死。
因班工人要嘅係佢地認為嘅合理﹔而班監製要嘅只係 noise。Noise = cap 盡。
公務員加得多, d小市民咪要抽多d稅囉! 咁就唔係加佢地士氣, 係剝削我們小市民的生計咋~
係喇,成日搵著我們的市民黎教飛.
老鼠, 同人唔同命,因為你只是在私人機構打工。
你話要爭取合理加薪幅度,你老闆會說︰「No Way!」
正如老鼠一樣, 袋鼠也是鼠,倉鼠也是鼠,人人會喜愛牠們。
但如果是坑渠老鼠,人人就會趕盡殺絕...
幸好你是水皮老鼠,看相片,你是倉鼠的一類。