河馬仔河馬仔
河馬仔河馬仔
河馬仔河馬仔

(河馬仔賽馬專欄)2021/04/11

2021/04/11 12:09:04 網誌分類: 賽馬
11 Apr

都係玩番老本行就算了,但今次形式係有點變的。

第10場三班1400米

位置Q三馬膽
1「知道必勝」現時係一隻介乎千二至千四米特長的馬匹,雖然話之前跑極千四都唔得,但近三場的發揮都沿途轉大彎,在二班根本蝕唔起,上場谷草千二未夠速度之下在直路左搵加搵位下,僅僅未能入P,今場用上「頓」又好好運有一檔,最有機會早段趁今場馬少兼快放馬唔多,守到黃金包廂位,發揮正常的話,某程度上有一定贏面的,現時千二可能真係唔夠前速。

5「佳運財」上場贏馬姿態當然成疑。「悅豐泰」塞都唔奇,最奇係「小鳥敖翔」田草千二幾耐都未後上試過第四,之不過今場對手就算強,但其實呢隻馬就算報名唔似鎮倉寶報名法都好,上兩次個檔唔太好,一隻年輕馬識得留後,特別第一場可以一起步快閘識得乖乖留後再追贏馬,上場大勝本身就算有點閃都輕取對手,今次上千四如前段唔快的話,就算父系未必太多長途份子都好,克服到的機會唔係冇。如果此駒唔係潛藏甚豐的話,贏開升班上千四就真係太古怪了,希望唔係「悅驫」之流啦。

10「幸運傳奇」上場當然吸引,但此駒在此分區真係要有進步先得,今場有機會操控步速,但之前亦試過去到呢個分都唔係太夠爭,希望係呢隻馬術後仲有水位進步就有望了,今場排檔亦較上次好好多。


後備位置Q馬
3「一定美麗」雖然隻馬在澳州兩場都好勁,但對手其實頗麻麻,而此駒漏閘好像係有點慣性,上場發揮上感覺有點辛苦,當然該場前段算慢,但其贏得的對手其實同樣弱,今場對手明顯有埋三班此程能手,當然本身此駒狀態有進,但是否會變得好唔同就要估了。


其他馬匹
2「明月輝煌」報名好怪,上次同廄隻「利害了」贏同程,佢都只係後備報名博保護權,如果視「利害了」高於此駒的話,咁呢場對手高過上星期場千四米好多咯,此駒上場好像長力唔足,但前一場千四都望空鬥衝又唔係好得,「拉」試谷閘但及後又換配備,懷疑呢隻馬要等對手弱才夠機會一爭,本身外地用得幾多。

4「將耀」隻馬怪腳好多人都知,當然今場對手少快馬係一大問題,而此駒排中檔本來非好事,要看「紹」中段可守到個內疊或最少二疊,而上場跑谷草望空走非此駒所長,但點講該場特利後上馬但此駒又冇乜作為。再前一次跑千四又有點過早彎位向外發力,但其實該場走勢唔差,走三疊都贏到及後有表現的「帝豪寶寶」「一舖縱橫」,此駒現時班分甚低,如排檔非這樣差早走揀了,現在七檔就好麻煩。

6「百勝名駒」愛爾蘭幾識跑上山落鈄的1600賽事,有機會係長途馬,本身有點追趕力但長力唔太足,上場唔夠前速但長遠留意谷草1650-1800路程,今場可能會再接近少少的。

7「善傳萬里」上兩場1400已盡所能了,今場又好可能同「幸運傳奇」前領前段,但此跑法又非其所宜,如果此駒再減多幾分回1200米感覺更有贏面,今場對手比上場可能更強。

8「勇趣」前一場可以大後追唔知係唔係同個場地利外疊個塊草有關,一堆馬都係個度衝,此駒衝完上場一步都冇,雖然話臨走前「能」試緊隻馬,但上場差到不能想像,隻馬看似又唔多大隻,感覺就相當麻麻。

9「雲彩飛揚」外地跑親都兩歲馬,贏個場隻馬近乎不受控制,上場快都唔快,可能有排減分。

11「天生一對」在上手當然不幸減夠分但又把握唔到落班就轉走後被贏馬,此駒上次跑三班都算有進,但今場又唔知點解超磅換人,雖然「丁」「堯」配今季好,但「丁」「巴」配就算未開糊都好,此廄「巴」轉出來的馬匹,特別是跑入圍的,及後轉手也相當差,而此廄「巴」轉「堯」今季近乎零數據,上場無故加分今場難度又高一點,可能上場該組係弱組吧。

(河馬仔賽馬專欄)2021/04/11真金投注紀錄

回應 (1)
我要發表
河馬仔河馬仔
河馬仔河馬仔 2021/04/11 17:43:24 回覆


2021/04/11「河馬仔賽馬專欄」,冇隻11號就全中收幾萬啦,真心灰,今次都係輸足半年後首次有錢收番少少了。

是日 : + $23267 - $18900 = + $4367

累績 : - $315193 + $4367 = - $310826
user

最新回應

河馬仔河馬仔
河馬仔河馬仔 2021/05/09



2021/05/08「河馬仔賽馬專欄」,在一二哥之間揀大細注揀錯,就變成冇左好多張演唱會門票。

是日 : + $6008 - $18900 = - $12892

累績 : - $12892 - $299541 = - $312433

河馬仔河馬仔
河馬仔河馬仔 2021/05/02



2021/05/02「河馬仔賽馬專欄」,要追番三年的負數,真係要十五連莊先得。

是日 : + $42877 - $18900 = + $23977

累績 : + $23977 - $323518 = - $299541

河馬仔河馬仔
河馬仔河馬仔 2021/04/25



2021/04/25「河馬仔賽馬專欄」,可唔可以唔好次次十幾萬條位置Q派彩輸個鼻,條位置Q,29倍得第一第四。

是日 : + $6208 - $18900 = - $12692

累績 : - $310826 - $12692 = - $323518

河馬仔河馬仔
河馬仔河馬仔 2021/04/11


2021/04/11「河馬仔賽馬專欄」,冇隻11號就全中收幾萬啦,真心灰,今次都係輸足半年後首次有錢收番少少了。

是日 : + $23267 - $18900 = + $4367

累績 : - $315193 + $4367 = - $310826