河馬仔河馬仔
河馬仔河馬仔
河馬仔河馬仔

(河馬仔賽馬專欄)2021/04/25

2021/04/25 02:08:09 網誌分類: 賽馬
25 Apr

三季累績:- $310826
 
都有段時間好耐冇買馬了,今次又小注一下先,今次揀第3場三班1200米。
 
位置Q三馬膽
9「無敵勇士」雖然知隻馬係冇乜幾多上算空間,但近期有樣特別,在加眼罩後明顯表現正常好多,而且長力在上一場明顯有改善。上場在轉彎後原來已墮到第五六位,雖然話該場利前領,但此駒咁耐都未試過識得在田草1200米後上而有威脅,跑多步都入到P。今場雖然排檔略差,但今場1200米純快放馬可能只得一隻,而對比兩場前此駒狀態未算太起,當時要讓今場大熱「勝得威風」2磅,就算「勝得威風」看似輕勝,但該場情況與此場差不多,「無敵勇士」仍在「勝得威風」之內,而幾明顯「勝得威風」後追冇上場放頭咁強,而今次兩隻馬的磅位倒調受讓16磅,「勝得威風」是否在外檔之下走得甩「無敵勇士」相當大疑問。而近期「無敵勇士」操練變成一星期一課,可能也不能博得太多次。

10「齊心同行」雖然今次因磅位問題要換人,但此駒「田」最初操的兩課,個口有點飄亦向前啄,但近呢兩課在內圈及跑道順滑更多,上場此駒新馬之下,沿途有馬鬥放鬥纏,但此駒入直路後亦能令該堆放頭馬一籌莫展,當然今場對手有所不同,但如果此駒再有進步的話,真的未知本身有幾多潛藏,未敢輕視。

11「南莊加好」雖然田草相當不吸引,但此駒上場明顯有追,而上場起步其實相當順利,可能外檔就縮到中置,之後仲要在外檔轉一輪位先真正發到力衝,而該場賽事「勝得威風」不知為何在外檔一隻早早自己領放,而該場內疊及前置馬相當有利,反而「南莊加好」走得相當吸引。今場排位好好多,而本身此駒以前連勝三仗之後都曾試過渡江跑1400米,其實表現也不俗,現時谷草1200米可能未必再適合佢衝,田草1200米可能佢有一定能力入圍的,近期少見此駒長擺從化而回來香港慢踱,減磅後可能會變樣的。

後備位置Q馬
1「勝得威風」雖然長勝之師,但上場自己一隻放頭甚輕鬆,今場如果像前一仗般要走外疊,在此分區再追,難保可再輕取對手,當然狀態冇問題,但本身進度是否能消化到咁多加分仍有個問題,今場內疊馬跟前馬及快放馬皆有,真的好懷疑。


其他馬匹
2「悅跑得」上場平頭勝出的賽事有可能係前面放得過快所致,該場不少的後上馬走得好近,一堆馬到終點的大混戰來,加分後此駒較多走樣,雖然用「巴」吸引,但今次排檔唔好之餘,「事事為王」香港的子嗣大多跑谷草一千,田草千二及泥地較佳,田草千二真係要留得好好先較有把握,此駒當年都只係沿途一檔贏到跑田草1200米一般的「平海掌星」,呢個分要遇明日之星就真係處下風多。
 
3「終身美麗」雖然用「潘」,但此駒外地乃一隻跑1400-1500米的放頭馬或最少守二三位的均速分子,上次放到入直路都表現麻麻,可能為上程鋪路,以前「潘」一課都冇試,未必係十幾年前個隻的。
 
4「三劍俠」在愛爾蘭跑兩場第三,看似係一隻1400米較佳的跟前馬匹,但隻馬個頭一推之下好多時會側頭,而且馬身好細,最後一場在愛爾蘭跑2歲一級賽,係打開哂一滴都冇,谷草可能有發展的,但今場就唔到佢了。
 
5「逆市奇爸」雖然在香港試閘好似有點前速,但好怪的係此駒在澳洲係一隻後上馬之餘,仲要贏個場好奇怪內欄冇馬而自己一隻步步追上來,本身隻馬冇乜特別變速力,加上隻馬出步略重,而且在澳洲跑過第一場後曾大休一段時間,有點擔心此駒的健康前景的。
 
6「確認眼神」唔傷本來都可以一博,可惜真係休得幾多,而試閘本身唔算變速能力好強,而試閘後仲要9日後才快跳,功夫可能都係要慢慢來,長遠往中距離發展較佳,但1200米真係短,上場唔斷但唔係好夠力追到對手。
 
7「萬眾力得」排大外檔,真係涼左一截,上場唔係佢走內欄的話,可能P都冇,今場呢個檔不如博隻「南莊加好」反先佢,佢又係「事事為王」的子嗣。
 
8「雲彩飛揚」隻馬晨操時都係條頸向上唔放鬆,跑1400米都快都唔快,都係可能要等進步先算了。

(河馬仔賽馬專欄)2021/04/25真金投注紀錄
回應 (1)
我要發表
河馬仔河馬仔
河馬仔河馬仔 2021/04/25 14:22:17 回覆



2021/04/25「河馬仔賽馬專欄」,可唔可以唔好次次十幾萬條位置Q派彩輸個鼻,條位置Q,29倍得第一第四。

是日 : + $6208 - $18900 = - $12692

累績 : - $310826 - $12692 = - $323518

user

最新回應

河馬仔河馬仔
河馬仔河馬仔 2021/05/09



2021/05/08「河馬仔賽馬專欄」,在一二哥之間揀大細注揀錯,就變成冇左好多張演唱會門票。

是日 : + $6008 - $18900 = - $12892

累績 : - $12892 - $299541 = - $312433

河馬仔河馬仔
河馬仔河馬仔 2021/05/02



2021/05/02「河馬仔賽馬專欄」,要追番三年的負數,真係要十五連莊先得。

是日 : + $42877 - $18900 = + $23977

累績 : + $23977 - $323518 = - $299541

河馬仔河馬仔
河馬仔河馬仔 2021/04/25



2021/04/25「河馬仔賽馬專欄」,可唔可以唔好次次十幾萬條位置Q派彩輸個鼻,條位置Q,29倍得第一第四。

是日 : + $6208 - $18900 = - $12692

累績 : - $310826 - $12692 = - $323518

河馬仔河馬仔
河馬仔河馬仔 2021/04/11


2021/04/11「河馬仔賽馬專欄」,冇隻11號就全中收幾萬啦,真心灰,今次都係輸足半年後首次有錢收番少少了。

是日 : + $23267 - $18900 = + $4367

累績 : - $315193 + $4367 = - $310826