河馬仔河馬仔
河馬仔河馬仔
河馬仔河馬仔

(河馬仔賽馬專欄)2021/05/16

2021/05/16 01:35:38 網誌分類: 賽馬
16 May


三季累績:- $312433


今次就揀揀第7場三班1200米賽事。

位置Q三馬膽
4「帝豪寶寶」雖然有跌磅問題,而且今季回從化後的戰績略差,不過有可能是上場對手極強之下用力甚多所致吧。今場主要對手感覺比上場更弱,而上場就算此駒前速唔夠都好,可以力擒早已走甩之「大紅蜂」,講真都算意外。今場真係好多馬在三班都唔多夠跑,就算佢加多5磅,但今季看似此程是新天地,而最好仲係今場快放馬少,如早段「潘」肯早早搶前少少,趁銳仲有能力的。

5「日日型」講真都知隻馬唔係最強狀態,但此駒可能真係適合「巴」去發揮,皆因此駒真係要極硬功省起前速,真係要早段力省之下越肯走,而仲係雄馬未知是否有所期待。此駒在澳洲雖然早期挑戰級際賽失敗,但熟到3歲時明顯進步好多,係每場進步更多,今場冇乜真正快馬,本身此駒在澳州可能期望甚高,奈何熟得略慢啩,今場可以一試的。

8「萬眾力得」當然知道此駒田草1200米唔及直路,而「事事為王」父系都係田草1200米有點勉強,此駒唯一機會就係早段留三四位而一定要有COVER,上場三疊望空咁跑就真係算輸得唔遠,今場喜遇放頭馬得一隻,而佢外疊隻「顏色大師」都係跟前份子,如佢可以早段快點跟佢埋欄,博個冷的第三都尚可,今場真係對手差得緊要。

後備位置Q馬
2「莫浪求」上場都唔可以怪「明」,都去到彎深先走出去,見佢過隻有磅減的「大雷暴」都辛苦得緊要,而上場對住隻贏極都難贏的「星運明爵」近乎零招架能力,當然今場係強配,而檔位仲唔算太差,但以往「拉」跑此駒也是失運,唔知補唔補到中咯,但咁熱就真心唔值。

其他馬匹
1「行星夢」跑田草1200米本來真係算準,但連環受傷後又轉倉過後,明顯晨操白汗超多,力度又與以往相當大距離,再加上此駒上季其實都去到一個冇乜分剩的水位,表現都係相當盡,可能減分後回谷草略有勝算,但真係要等。
3「美麗多多」明顯1400米係好衝一點,上場雖然沿途三疊,但真係跑落一步都冇。呢隻馬真係要硬功騎師才合發揮,用「豐」仲要留在1200米,前速又唔係好夠,而晨操仍然略性急少少,睇多個RUN等上程先諗。
6「倍增勝數」在外地本身唔算快,而跑個兩場對手也非強,而對手數也少,在外地又未試過右轉,不過隻馬泥地性能應該唔差,轉泥地可能會有野睇。
7「顏色大師」此駒有可能會跟前一點,此駒外地唔多可以跟馬跑,最多都係守在前領馬外疊,但上場又明顯地差,轉彎後諗住都衝一段,但實際都企係度,外地表現亦非相當壓一,可能都係學習中。
9「騰龍超影」「黎」「蘇」配上兩季零交收,今季所有交收皆冇,隻馬仲要九歲冇啦啦又走番去田草9戰全負的田草,仲有一分。
10「雲彩飛揚」不如除左個頭罩先,隻馬有頭罩岳頭岳到好跨張,但冇戴跳個課好似好少少,但上場真係轉彎後已好快變成一注菜。

(河馬仔賽馬專欄)2021/05/16真金投注紀錄

回應 (1)
我要發表
河馬仔河馬仔
河馬仔河馬仔 2021/05/16 21:14:35 回覆



2021/05/16「河馬仔賽馬專欄」,大細注執哂都冇一萬蚊。

是日 : + $27592 - $18900 = + $8692

累績 : + $8692 - $312433 = - $303741

user

最新回應

河馬仔河馬仔
河馬仔河馬仔 2021/06/13



2021/06/13「河馬仔賽馬專欄」,今季都好冇乜機會輸少廿個樓下了。

是日 : + $1908 - $18900 = - $16992

累績 : - $16992 - $298033 = - $315025

河馬仔河馬仔
河馬仔河馬仔 2021/06/06


2021/06/06「河馬仔賽馬專欄」,揀冷馬失敗。

是日 : + $8692 - $18900 = - $10208

累績 : - $10208 - $287825 = - $298033
河馬仔河馬仔
河馬仔河馬仔 2021/05/30



2021/05/30「河馬仔賽馬專欄」,呢條中?H買大注就發達了,現在又只係執少少。

是日 : + $40358 - $18900 = - $21458

累績 : + $21458 - $309283 = - $287825

河馬仔河馬仔
河馬仔河馬仔 2021/05/23



2021/05/23「河馬仔賽馬專欄」,捉到隻大冷馬入圍都要輸錢。

是日 : + $13358 - $18900 = - $5542

累績 : - $5542 - $303741 = - $309283