睇展覽認識本地運動員奮鬥史
2021/09/25 04:12:46 網誌分類: 生活 25 Sep
香港運動員喺奧運同全國運動會表現好出色,有冇諗過了解吓香港過去嘅體育發展?奧海城由即日起至下個月10月3日會有「志氣凌雲—香港體育紀行展」展覽,展示本地運動員由上世紀30年代到而家,曾經喺國際重要體育賽事上贏得嘅驕人成績,重現香港嘅體育歷史發展,同埋介紹運動員嘅勵志故事。除咗睇展覽,仲有互動體驗遊戲區,可以體驗劍擊樂趣,又可以喺「幻視藝術拍照區」,與奧運女飛魚何詩蓓同蘇樺偉同場虛擬較勁,帶埋小朋友去就最啱啦!聽日9月26日下午1時喺奧海城2期地下主題中庭,仲有本地羽毛球「一哥」伍家朗同陳浩源同大家見面,商場別開生面地舉行首個「擊拍」打氣會,千祈唔好錯過呀!
Cally