久違了的小強
2008/06/12 04:12:59 網誌分類: 生活
家裡很久也沒有小強的蹤影,可是,昨晚卻給我發現了一隻,今晚又走了一隻出來,好可怕呢!最慘是我老公又訓左,冇人救我,就只好自救,手執老公出街的人字拖,一野拍下去,卻不見了牠,唯有出絕招,「家武士」一出,小強你今次必死無疑!
我:「看我出招啦!」
說時遲,那時快,我拿著家武士對準小強一噴,噢!怎麼得d氣 ge!!!弊啦!這支用完了,唯有拿另一支,怎料,另一支也噴不出,只見小強笑笑口
:「哈哈哈哈哈!家武士又點呀!我驚都未驚過...」
我:「你咪咁得戚,我仲有支殺牠死!」
講下好,就係怕殺牠死有化學劑,我才買家武士回來咋!怎麼兩樽都一起用完,明天真的要去官塘買番幾支來看門口啊!
就這樣,我看著小強翻幾個筋斗,逃去無蹤了!
Candy : 覺覺豬啦, Good Night !
回有心人,
不怕, 我有money, 可以買十支八支家武士來看門口, 什麼昆蟲害蟲都不用怕啊!~
回Tom媽媽,
好呀好呀! 快借貓咪過來住番十日八日啦~
回文婷,
老鼠及小強都係非常之污糟的害蟲啊! 係人都怕牠們啦!
若你家有小強, 就由你去保護他們, 若發現老鼠, 就由他們保護你囉!
回小琳,
半夜用風筒, 會比隔離鄰舍及樓上樓下鬧架~
你老公的這個方法, 真係行唔通, 日頭還可以, 但小強是晚黑才會出來活動的啊~
回PENNY,
大的蟑螂是住在坑渠的, 所以只有低層的住戶才會出現, 偶爾都會闖進高層, 囡囡細個時, 樓上裝修, 都跑來數隻大蟑螂, 幸好我眼利, 一一把牠們殲滅呢!
你所說的小型蟑螂, 是從外國入口的, 牠們是跟那些生果箱一起運來, 你說得對, 牠們的繁殖力非常之強, 而且牠們愛在潮濕的環境裡繁殖, 所以廚廁是牠們的居所啊!
回周煌,
你的經歷很攪笑啊!
我小時候是不怕小強的, 但卻極害怕會飛的小強, 有一回, 剛巧是考試期間, 我跟三姊一起開夜車溫習, 就在這時, 突然廳裡有一隻很大的小強, 當時我不知牠是會飛的, 並立即拿著殺牠死來噴牠, 誰料牠竟然慢動作地向我飛過來, 當時我已嚇到不知所措, 看著牠的翼拍下拍下的飛過來, 煞是嚇人, 最後, 我人急生智, 立即分開雙腿來企, 那隻飛小強在我兩腿間飛過了,我才鬆一口氣呢~
回向揚Andrew,
我都記得小時候的殺牠死廣告, BUT 自囡囡出世後, 我就好怕用殺蟲水, 因為這些有毒氣體對人體有害啊! 所以我才選用了家武士這個環保滅蟲劑, 它是全天然的, 人畜吸了也不會受到傷害的~
回M佬,
我家的洗潔精好溫和架, 所以我驚沒有殺傷力咋~ 家武士是一隻專門用來滅蟲的環保滅蟲劑, 絕不傷害人畜, 它是全天然成份, 沒有半點化學劑的呢~
回kenny,
其實我不是說殺牠死沒用, 只是那些化學劑會傷害埋人畜的, 兼且又不環保, 所以我咪買家武士來用, 它是全天然所製成的滅蟲劑啊!
回老蕃,
那我該用什麼來拍牠好呢? 其實我手腳都幾快架, 不過佢仲快過我之嘛, 不如你來示範一下怎樣快拍吧!
回開心莎莎,
天太黑了, 所以給牠逃之夭夭, 算佢好彩,下次佢再來, 一定不會走得出我的魔掌啊!
回Dr. 168 the Great,
謝謝你良方, 等我都TRY TRY先~
回麵包布甸,
講起會飛的小強, 你橫過馬路時, 千企咪在渠口上橫過呢! 多年前, 我穿著一條很長的裙, 在銅鑼灣橫過馬路,剛巧在渠口上面,我一瞥渠口, 發現有過佰隻飛小強在聚會, 嚇得我縮唔切, 在上面橫過, 也幸好牠們沒有飛出來, 要不然第日報紙頭條說有個少女在鬧市脫掉裙子囉!
回糯米如,
請問他會怎樣幹掉牠呢?
回小鳥必必,
好呀好呀! 咁我有小鳥必必, 就唔使要家武士啦!多謝你啊!
回simple OL,
或者有你唔知啫, 因為佢地愛黑夜才出來蒲架!
回心香一瓣,
咪係囉, 我分分鐘可以報警,告佢擅闖民居添呀!
回欽差大臣,
由開始寫blog到現在, 其實開blog人數都唔少, 尤以比賽期間較多人, 可惜, 也有很多人寫寫下無左蹤影呢!
要count數, 就要跟網主建議啦!
回Phill,
唔係嘛! 果個人真係好核突喎! 我見到生的小強已經好驚, 死左ge仲驚呀! 仲知係小強都驚, but現在都已經勇敢左好多架啦!
回羅賓叔叔,
係咪你口喝得滯, 黎我屋企偷飲哂支家武士呢~
『小強』太可惡了!
好彩我屋企冇小強啫!
如果有小強,我會叫我老弟~
布甸最怕會飛的小強喔
知你武器沒了,救兵又喊不醒, 那小強正舞動觸鬚,在向你示威呢~
士可殺不可辱,你要向牠宣示主權啊! 別讓牠到處亂走。
Candy..
唔係用人字拖,一野拍下去!
妳手腳太慢了..
Candy,
我记得以前我使用"殺牠死"它那是非常有效的;
現在您必須嘗試其他方法才有效架!
或者下次試下用洗潔精來噴下〝小強〞咯........
我未試過喇........不過我同事早大半年前,聽收音機電台節目,由 曾近榮 先生主持有關家事節目得知有咁樣方法,至於呢個方法 OK 與否我就唔知道喇,如果唔得的話,唔好「踏」我嘛........
嘿嘿! 你怎地是用老公的人字拖? 可以壯膽嗎?
我記得有一回晚上溫習時, 見到突然有黑影從窗外飛入, 定神一看, 原來是大強呢! (大強即是非洲種的, 身長一個半一元, 未計觸角)嚇我一跳之餘, 慢慢摸起腳邊的水樽, 一擊即中, 大強五腳朝天, 一腿已斷, 仍是努力原地打轉, 於是我順手拿起附近有腐蝕性的模型膠水, 向牠身上點去,正中其肚胸三處三穴,怎料竟然不死,絲毫不損,牠那套甲反而更加光滑,像打了蠟般,見牠快要成功鯉魚翻身,逃之大吉,於是索性繼續沿用物理攻擊,一擊一按一壓,大強變成扁平狀,附在紙上, 立時捲起那張紙變作一團, 唯恐大強死後會引來同門來報仇般, 從廁所一鼓沖去......
怎知... 回房定神一看, 我的功課到哪去了? 噢!我的功課唷!
你屋企會唔會有風筒呢(一定有啦,哈哈)
用風筒嘅強風吹小強,迫佢埋牆,之後佢就會反轉...咁就任你魚肉喇!
哈哈哈哈哈哈......
~呢個咁方便嘅方法係由我老公提供~
我見過,真係得架!(不過就會比較嘈 XD)
揾我隻傻貓去你屋企往番十日八日,包你小強絕對無留低。
小強有度牆頂住都冇咁驚
Candy呢次你有排驚啦