水口村歷史研究記錄本地山歌

2021/12/06 04:12:35 網誌分類: 生活

06 Dec

        　　大嶼山係香港最大島嶼，歷史悠久，仲孕育本地文化。二○一八年嘅《施政報告》就設立十億元「大嶼山保育基金」，推動及支援大嶼山保育工作，首輪申請批出咗十八個項目，其中一項係深入研究具有三百多年歷史嘅水口村嘅歷史文化，包括記錄三位婆婆以圍頭話唱山歌嘅故事。

        　　呢個項目嘅負責人中大建築學院鍾宏亮教授話，計劃修復嘅舊建築包括三級歷史建築「金字頂」石屋，修復後會讓村民用作生活文化館。項目成員黎穎詩博士話，四年幾前，團隊到訪水口村收集村民嘅故事，拍攝咗一段紀錄片，特寫三位婆婆以圍頭話唱山歌嘅故事。Kelly都好想有機會聽下本地山歌，希望呢個研究報告早日面世。

        Kelly Chu