KellyChu - 多區現醉人漫天紅霞天文台：紅橙光穿透大氣｜Executive日記

2022/07/16 04:11:59 網誌分類: 生活

16 Jul

香港前日黃昏時份，多區出現又紅又橙嘅晚霞，吸引好多市民影靚相，喺fb洗版，Kelly都睇得賞心悅目。天文台昨日喺fb解釋呢個漫天紅霞景象，喺日出、日落時份，太陽比較接近地平線，陽光以低角度照射地面，光線要穿過較厚嘅大氣層，過程中波長較短嘅青、藍、紫光會被大氣散射，只得紅、橙、黃光能夠穿透大氣，所以日出同黃昏嗰陣，太陽都會係橙紅色，咁啱前日傍晚雲層廣闊，醉人晚霞睇落更加壯觀。

有講法話朝早有朝霞，代表之後可能落雨，所以「朝霞不出門」，喺黃昏出現晚霞，就會天氣好，所以「暮霞行千里」。天文台指呢種講法喺中緯度地方先有較高參考價值，但香港呢啲低緯度地方天氣系統，通常唔一樣㗎，單憑有無「燒天」難以預示天氣變化。
Kelly Chu