白頭Lo - 二世古成投資日本房地產大熱｜白頭Lo海外地產專欄

2023/04/15 03:18:11 網誌分類: 生活

15 Apr

上次專欄我哋分享過買地建屋呢個新興嘅投資模式。其實引入呢個概念嘅東日物業最初係作為中介行為民宿設計，其後開始收購舊樓翻新。不過東日認為單純呢個市場嘅增長回報有局限，就着眼喺每年有3,500萬旅客嘅龐大市場，決定將過往兩種唔同嘅技術結合，喺大阪買地自建住宅Airbnb項目Queens Park CK Osaka，自此開始咗買地起屋呢個先河。

2年前因為疫情關係東日運用自身嘅經驗平價買入二世古比羅夫黃金地段嘅地皮，建成10間600至800呎嘅Queens Park CK Village Niseko Hirafu。呢個地段鄰近Grand Hirafu滑雪場，前往Hirafu十字街亦只有3至4分鐘車程，對於滑雪愛好者嚟講勝在方便，所以好快就賣出咗8成，東日亦係現時香港僅有開發當地項目嘅小型發展商。

二世古連續3年成為全日本地價升幅最高嘅地方，但點解二世古會有咁嘅吸引力？上次提過嘅東日物業Project & Development Manager黃冠陞(Keith Wong)提到，首先呢度嘅雪相當輕，加上擁有樹林嘅環境，對於滑雪愛好者嚟講唔易受傷之餘亦具挑戰性。大家可能唔知道呢度最初係由澳洲人開發，所以除咗滑雪場亦開設有唔少酒吧餐廳，提供一站式嘅玩樂消遣嘅地方，因此二世古無論日夜都擁有獨特嘅吸引力同異國風情。今年二世古國際級嘅酒店租金每晚可以叫價萬幾蚊，而平價民宿都要兩千蚊起跳。由於貨源少，有顧客係6至7年前用700萬港幣購入500呎單位自用，而家樓價已經升到1,500萬港幣，上升近一倍，而現時當地樓價需1,000萬港幣起跳。

黃冠陞亦分享咗日本銀行做貸款嘅小小心得。日本銀行會基於品牌、樓宇質素等因素提供40%至50%樓宇按揭貸款，而發展商提供240日成交期，你可以先入住後供款，等資金調動更有彈性。

日本物業展銷會
日期：4月15日及16日
時間：上午11時至下午7時
地址：沙田帝都酒店2樓鑽石廳
查詢：2111 1748

專注海外房地產多年，掌握最新市場投資走勢，逢周六和讀者分享訊息。