KellyChu - 迪士尼新任親善大使誕生 傳遞奇妙力量｜Executive日記

迪士尼親善大使計劃有超過50年嘅歷史，至今已經成為其他迪士尼樂園同度假區嘅傳統！話咁快，香港迪士尼親善大使HK Disneyland Ambassador今年亦踏入第10屆，Gisele同Beyan將接力，成為2024-25年新一屆嘅親善大使，延續呢份迪士尼精神，代表度假區傳遞奇妙力量！迪士尼話，好期待佢哋即將展開嘅創夢家故事，繼續將奇妙力量帶到社區每個角落，創造更多夢想！

兩位候任大使Gisele（左四）同Beyan（左三），分別嚟自娛樂事務部同財務管理、企業聯盟及採購部。佢哋無論喺文化、語言、性格同才能等方面，都展現迪士尼度假區嘅多元面貌！相信佢哋一定可以繼續將奇妙力量，帶到度假區每個角落。另外，過去2年，香港迪士尼樂園度假區親善大使Lily同Tony，都一直盡力將樂園歡樂共融嘅一面同正力量傳遞畀大家，好多謝佢哋嘅付出！

Kelly Chu