KellyChu - 「香港漫步指南」嶄新內容｜Executive日記

旅發局X小紅書新帖文熱爆網絡

小妹之前同大家介紹過旅發局同小紅書推出嘅5條「香港漫步指南」路線，大受內地旅客熱捧，喺小紅書嘅總體曝光度已經超過2100萬。趁住中秋國慶長假，唔少內地年輕人就跟住指南，嚟香港城市漫步（Citywalk），有女生「在香港盡頭看浪漫日落」；亦有人在西九聽爵士樂，「享受一個完美的chill night。」

「香港漫步指南」5條路線各有主題，包括山海漫步、博物漫步、霓虹漫步、塗鴉漫步及文藝漫步。趁住中秋國慶長假，唔少年輕人嚟香港旅行，並按住指南親身來一場Citywalk。有女生就跟住「山海漫步」路線，傍晚到海邊看日落，之後仲喺小紅書發文分享感想，形容「在香港盡頭看浪漫日落」、「捕捉到鑽石海跟夕陽」。

有女生就按「博物漫步」路線，參觀西九文化區M+文化館，並同網友分享「打卡攻略」；亦有人前晚留在西九文化區看爵士樂表演：「我最喜歡的位置是live house前面的草坡，可以聽到音樂又能吹海風，在自動販賣機買一瓶飲料即可免費享受一個完美的chill night。」

Kelly Chu