KellyChu - 2025年落戶航天城11 SKIES 港首建虛擬深海探險體驗館｜Executive日記

全港首個虛擬深海探險體驗館VquariumTM，將會喺2025年落戶11 SKIES，係K11集團與美國娛樂科技體驗集團Falcon's Beyond嘅第一個合作項目。VquariumTM喺設計上營造出深海嘅空間感，並透過特效動態模擬器及混合實景技術，令訪客體驗彷彿置身於深海嘅沉浸式歷險。

K11集團宣布與Falcon's Beyond成立合資公司，結合雙方喺文化零售及科技創新嘅優勢，打造全港首個虛擬深海探險體驗館VquariumTM。VquariumTM將分為三層及不同主題區域，垂直空間達13米高，以營造深海嘅空間感。

設施採用特效動態模擬器及混合實景技術（Mixed Reality，簡稱MR），增強互動及沉浸式體驗，令訪客彷彿登上深海考察潛水器，化身成為探險家，跟隨虛擬海洋生物穿梭於奇幻水域，探索稀有生物及奇特海洋地貌。

位於香港國際機場航天城的11 SKIES自去年起至2025年分階段開業，已公布的室內娛樂設施除了VquariumTM，還有4D動感飛行影院、柏靈頓歷險樂園，以及韓國最大型沉浸式多媒體藝術博物館ARTE MUSEUM等。

Kelly Chu