KellyChu - 港足今晚大戰日本 銅鑼灣英皇戲院1蚊睇波｜Executive日記

港隊男子足球隊早前喺杭州亞運以1：0擊敗伊朗，歷史性晉級四強。今晚6點，港隊會喺蕭山體育中心體育場對戰日本，為咗等大批球迷一齊撐港隊，中國香港足球總會今晚就喺銅鑼灣英皇戲院舉行睇波活動，每張門票象徵式收費1元，入場即可獲爆谷1份，現場買飲品半價。

球迷昨晚6時起可以到英皇戲院網站買票，但真係好搶手，開賣唔夠3分鐘，所有門票都賣晒！

入場即獲爆谷1份

不過，買唔到票嘅球迷都唔使灰心，大家今晚可以到中環街市、奧海城、西九龍中心等商場觀賞四強大戰。小妹亦祝願港隊今晚再創佳績！

Kelly Chu