KellyChu - 華懋中樂團鼓樂節1 0•14 響徹西九｜Executive日記

華懋集團今年首度與香港中樂團舉辦「香港鼓樂節」，推出咗一連串線上線下鼓樂活動，嚟緊10月14日嘅鼓樂嘉年華及5G直播音樂會，將於西九文化區藝術公園登場，以宏亮嘅鼓聲，發放正能量。

呢個活動內容非常豐富，集合來自世界各地嘅鼓隊以及中國非遺鼓隊展演，更設有供市民體驗嘅3.47米太平鼓終極#DrumChallenge！現場嘅鼓樂坊、遊戲及美食攤位，亦等大家體驗。

華懋集團執行董事兼行政總裁蔡宏興噚日見到Kelly，叫小妹記住去聽激昂嘅鼓聲。被問到佢將於出年退休，蔡宏興話，公司正尋找適合嘅CEO接班人，而新人條件要有魄力，為公司注入新思維。

蔡宏興作為地產界老行尊，笑言人始終要退休，仲話自己欠老婆好多旅行嘅時間，同時想睇多啲書，學習多啲嘢。

如有機會亦想參加非政府組織，為推動香港成為宜居城市出一分力。

Kelly Chu