KellyChu - 煤氣公司X小黃鴨搞親子嘉年華 小朋友邊玩邊學未來能源｜Executive日記

環保意識，要從細開始培養。為咗等小朋友可以輕鬆學習減碳，香港中華煤氣公司就夥拍本地原創人氣角色B.Duck小黃鴨，下月11至12日喺中環街市舉辦「煤氣綠火焰未來實驗室」辦親子嘉年華，邊玩邊認識未來能源發展，仲有機會贏取Towngas × B.Duck限量精品！小黃鴨咁得意，連Kelly都心動呀，相信到時一定吸引好多小朋友入場！

活動期間，煤氣公司將展出「百年珍藏」，參加者好似走入「時光走廊」，了解煤氣公司超過160年歷史。現場亦有多個cute到爆嘅立體B.Duck，畀大家打卡留念！另外，現場亦會有攤位遊戲、互動展覽、STEAM工作坊等，等家長同小朋友可以邊玩邊學，探索能源新領域。

有立體B.Duck打卡

煤氣公司企業環境、社會及管治總監/企業事務總監楊松坤話，嘉年華旨在透過系列學習活動，令青少年明白減碳嘅逼切性，從小培養綠色環保生活習慣，一齊為實現可持續發展社會努力。

Kelly Chu