KellyChu - 中銀連續6年贊助綠色金融論壇　力撐可持續發展｜Executive日記

應對氣候問題，各行各業都諗計出一分力。中國銀行（香港）今年連續第六年贊助支持香港綠色金融協會主辦嘅「2023香港綠色金融協會年度論壇」，討論點樣喺綠色金融領域中，促進業界及跨境協作，承擔企業社會責任，助力可持續發展。小妹覺得，呢類綠色活動要多搞，值得推廣同畀like！

今年論壇主題係「驅動低碳轉型 邁向淨零未來」，會上探討企業嘅轉型路徑，克服挑戰，降低排放，最終實現淨零排放。

有超過1500位來自中國內地或香港嘅政府官員、監管機構、金融機構等參加，包括財政司司長陳茂波、金管局總裁余偉文、證券及期貨事務監察委員會行政總裁梁鳳儀，及中銀香港總法律顧問、立法會議員簡慧敏等。

Kelly Chu