KellyChu - 特首打綠呔宣讀《施政報告》 歷朝紋樣象徵傳統文化｜Executive日記

新一份《施政報告》將喺周三公布，相信市民都好想知今年會有咩新猷。特首李家超昨日就話，今年《施政報告》會沿用去年嘅綠色封面，象徵希望、生命力同和諧穩定。而宣讀報告當日，特首同團隊亦會一齊穿戴由香港知專設計學院（HKDI）師生製作嘅綠色領呔同領巾，除咗希望更突出政府嘅「隊形」同團結精神，仲另有一番意義。到底係乜呢？

承傳中華文化 撐年輕人創意

特首解釋，HKDI設計團隊嘅靈感，源自中國古代傳統歷朝紋樣，唔同花紋代表中華民族唔同時期嘅文明風貌。團隊亦喺傳統紋樣中加入現代元素，為設計注入新活力，感覺清新，亦有承傳中國傳統文化嘅象徵意義。

佢見到一班年輕人呢個巧妙之作，於是決定聯同成個團隊一齊支持佢哋，並借此鼓勵社會各界，為香港學生同年輕人製造更多機會，發揮創意，盡展所長。小妹都覺，HKDI設計嘅領呔同領巾莊重得嚟又有時尚感，值得支持！

Kelly Chu