KellyChu - 愛秩序灣擬建新體育館 舉辦大賽又設毛孩公園 | Executive日記

推動全民運動，Kelly一直覺得場地好重要。現時東區有6間體育館，政府就計劃喺東區愛禮街與東喜道交界處，興建第7間「愛秩序灣體育館」，除咗可以舉辦大型賽事，亦為攀登、3人籃球、5人足球、霹靂舞等「城市運動」提供場地。施工前期工序預計費用為1.031億元，預計3年半內完成。

　　據文體旅局向立法會提交嘅文件，愛秩序灣體育可以提供2個室內5人足球活動場，以舉辦區際和本地5人足球比賽、青少年5人足球錦標賽及訓練班等；當局亦計劃在體育館，設置2個全年開放嘅25米室內暖水游泳池、1個戲水池和1個嬉水池，提供多樣化嘅泳池設施。

　　小妹亦發現，體育館嘅戶外休憩用地用途多多，除咗提供新款健身器材畀市民使用，更設有1個寵物公園、樹木園景連蔭棚、涼亭、座位和休憩區，到時大家同主子出去玩，又多一個選擇！

設1個寵物公園

　　另外，好多市民關心泊車嘅問題，唔洗擔心，體育館到時會有約340個車位，私家車、貨車、旅遊巴、巴士及電單車，都可以使用！
KellyChu