KellyChu - 40厘米加州蛇王金鐘坐地鐵 乘客雞飛狗走 蛇王擒獲 | Executive日記

　　有市民昨早乘港鐵荃灣線，從中環站搭去金鐘期間，竟然喺車廂，發現一條長達40厘米、黑白相間嘅蛇，於是即刻報警處理。蛇王之後奉召到場，成功將佢捉到，並送咗去嘉道理農場。警方引述蛇王話，呢條蛇應該係加州王蛇，沒毒性。雖然係咁，但唔少市民都覺得膽戰心驚，亦有網民疑問，點解港鐵會有蛇：「呢啲情況真係好罕見，其實會唔會係有人特登放生？」

　　雖然當時乘客好罕有咁喺車廂遭遇加州王蛇，不過大家都沒過度恐慌而發生意外，好有序咁先喺金鐘站落車，再轉乘另一班車繼續行程。小妹就特登查下資料，發現加州王蛇主要分布於美國西部同墨西哥北部，亦係常見嘅寵物蛇，以身上明顯嘅條帶聞名，主要以蜥蜴、鳥類等為食物。

KellyChu