KellyChu - 病童與家人並肩作戰 籌款晚宴令人動容 新麥當勞叔叔之家下月投入服務｜Executive日記
2023/10/30 03:00:38
網誌分類:
生活
前天晚上，麥當勞叔叔之家慈善基金會舉行盛大籌款晚宴，有2個感動位，令嘉賓嘅紙巾濕咗唔少，大家更熱烈響應捐款，支持將於下月啟用嘅第2個麥當勞叔叔之家，等更多有需要嘅病童和家人一齊入住，一齊作戰，唔向病魔低頭。
晚會請來自小失明嘅蕭凱恩（Michelle）演唱，佢自細唔放棄追求音樂，4歲考取優秀嘅鋼琴成績，雖然幼稚園老師認為失明人士學音樂極為困難，但佢同家人一齊堅持，終於成為新晉女高音。每次聽佢高歌，大家都感受到嗰股澎湃嘅正能量。
小Rachel亦上台現身說法，她細細個患腦腫瘤，媽媽放下一切，日夜喺醫院陪伴，爸爸外出賺錢養家，細路就交由親友照顧，一家人每日都見唔到面，細路每日以淚洗臉，好在義工推介，一家人入住麥當勞叔叔之家，齊齊整整，一齊迎難而上。台下很多人聽到都好感動，不禁淚下。
位於觀塘嘅第2間麥當勞叔叔之家將於11月20日投入服務，病童一家住宿單位將增至80多個。Kelly在此呼籲，大家上麥當勞App或到店touch screen點餐時，記住捐助麥當勞叔叔之家！
Kelly Chu
■小Rachel一家入住麥當勞叔叔之家，一齊迎難而上。
■晚會請來自小失明嘅Michelle演唱。
■麥當勞叔叔之家慈善基金會舉行盛大籌款晚宴，大家熱烈響應捐款。
回應
(0)
我要發表