KellyChu - 榮獲國際最高嘉許 本地指標蟬聯首位 太古地產可持續發展領先全球同業｜Executive日記

太古地產宣布，連續第7年榮獲全球房地產可持續標準 （Global Real Estate Sustainability Benchmark，GRESB），評選為「全球業界領導者——綜合物業發展類別」；同時連續第4年被評為「全球發展商業界領導者——綜合物業發展類別」。Kelly知道，太古一直推動可持續發展，今次再獲國際同本地指標嘉許，係實至名歸！

本年度GRESB嘅參評企業數目按年增加15%，全球逾2000間、分別來自75個國家嘅企業參加評選，涵蓋共約170000項資產，資產總值高達7.2兆美元。

本地指標方面，太古地產連續第6年蟬聯恒生可持續發展企業指數 （Hang Seng CorporateSustainability Index，HSSUS） 首位，喺逾500間接受評選嘅香港上市公司中獲最高評分，並維持最高可持續發展評級「AAA」，係本年度僅2間獲得此項卓越評級嘅公司之一。

太古地產行政總裁彭國邦話，很高興太古地產再次得到兩個國際及本地領先嘅環境、社會及管治（ESG） 指數和標準評級嘅肯定，印證唔同持份者對太古系列創新可持續發展計劃嘅肯定。

恒生可持續發展企業指數本年度亦更新評估架構，以「環境」、「社會」及「管治」三大核心作評核範疇。太古地產喺「社會」範疇在所有參與企業中獲最高評分，印證公司喺人權、勞動實務、公平營運實務、消費者議題及社區參與和發展方面表現傑出。

另外，太古地產於恒生ESG 50指數推出以來，連續第四年獲納入指數。躋身該指數嘅50間上市公司，係本港市值較高而ESG表現最卓越嘅大型企業。

Kelly Chu