KellyChu - 百年老店「蛇王芬」聯承比薩餅店 首創蛇羹同臘腸批好惹味｜Executive日記

秋風起，最啱食蛇羹同臘味，不過配搭Pizza，你又試過未？Pizza Hut就首度聯手百年老字號「蛇王芬」，推出年度限定「大吃一驚蛇羹批」同「驚量猛料雙腸批」，真正做到新舊中西雙合璧！雖然正宗意大利人見到好可能激死，不過推出後大受歡迎，單日就賣出過千個，連CNN都報道推介，話唔定成為「鴛鴦」、「奶茶」之後，又一款香港地道美食！

位於中環嘅「蛇王芬」係百年老店，多年嚟與時並進。主理人吳煋姿（Gigi）就同Kelly講，今次同Pizza Hut合作搞蛇羹批同雙腸批，「一開始嗰陣都有啲驚，驚太新奇賣唔出。」不過沒諗到，推出後反應熱烈，「最勁嗰陣，蛇羹批一日賣咗過千個，連CNN都報道，真係好開心！」

Gigi又話，開頭係蛇羹批賣得多過雙腸批，不過呢幾日雙腸批後來居上，一樣咁受歡迎。雖然兩款批都係限定發售，不過據Kelly所知，o依家仲食到，大家快啲去試吓！

Kelly Chu