KellyChu - 李家誠盼推動創新科學突破 首屆香港桂冠論壇揭幕｜Executive日記

香港桂冠論壇委員會主辦、李兆基基金全額贊助嘅首屆香港桂冠論壇，昨日喺香港科學園開幕，並一連六日舉行。今次論壇以「匯聚頂尖思維 啟發科學成就」為主題，匯聚世界各地喺天文學、生命科學與醫學、數學科學三大領域中，取得卓越成就嘅23位邵逸夫獎得獎者、傑出科學家，同全球近30個國家及地區近200名青年科學家，一齊交流科研上嘅真知灼見。

為論壇捐出8000萬

李兆基基金今次為論壇捐出8000萬元。恒基兆業地產集團主席、李兆基基金董事李家誠（見圖）喺致辭中話，十分榮幸可以贊助論壇，推動創新科學突破，強調恒基一直致力培育年輕人，幫助其發揮無限潛能，亦期望佢哋可以為香港、國家以至世界嘅可持續發展作出貢獻。

李家誠過去亦一直支持培育本港創科人才，例如早前捐款1.5億元給科大，支持創新教育；亦向恒生大學捐2000萬元，成立「創意人文館」。

特首李家超致辭嗰陣亦話，創科將成為本港經濟關鍵推動力，政府會全力支持。

Kelly Chu