KellyChu - 圍方現胡桃夾子聖誕盛會 12‧9仲有芭蕾舞表演睇｜Executive日記

最近已經開始有過聖誕feel！港鐵大圍站嘅「圍方」商場就舉行緊一場「胡桃夾子聖誕盛會」，現場有一個8米高嘅《胡桃夾子》主題華麗城堡，裏面有大班胡桃夾子士兵，演奏冬日聖誕樂章，唔知以為入咗童話世界！另外，圍方12月9日仲邀請到香港芭蕾舞團到場，演出港版《胡桃夾子》精選劇目，正呀！

胡桃夾子城堡共有兩層，由紅綠聖誕經典雙色為主調，配上璀璨嘅金色作點綴，好引人注目。城堡第二層充滿華麗感覺嘅塔尖前方，一班手持唔同樂器嘅胡桃夾子士兵，一邊環繞塔尖，一邊演奏冬日聖誕主題樂章。

現場仲有兩棵分別高逾4及5米嘅大型聖誕樹，其中5米高那棵，樹頂有一粒轉動嘅伯利恆之星！

另外，圍方特別為市民準備咗連串表演，例如11月26日嘅魔術、踩高蹺表演、12月2日嘅《胡桃夾子》角色見面會等。

Kelly Chu