KellyChu - 《每一程，滿載期待》兩部曲呈獻 港鐵微電影 文青女神追夢｜Executive日記

港鐵推出兩齣微電影《每一程，滿載期待》，第一部「夢想篇」就搵嚟「香港文青女神」袁澧林（Angela Yuen），同埋演員羅永昌主演，講述Angela點樣堅持不懈追逐演員夢，最終贏得登台機會，仲有戲中爸爸羅永昌嘅認同。雖然唔夠3分鐘，但小妹睇到眼濕濕，真係好touching！

「夢想篇」講述Angela一直夢想成為演員，期間經歷高低跌宕，但都得唔到戲中「爸爸」羅永昌嘅理解。但Angela沒放棄，一直搵試鏡機會，最終喺生活中搵到靈感，贏得登台機會，仲有爸爸媽媽嘅諒解同支持！第二齣微電影就叫「第二人生篇」，由資深演員馮素波（波姐）同栢天男主演。波姐飾演一位同家人分隔兩地嘅長者，最初唔適應生活變化，但逐漸躺開心扉，同鄰舍朋友一齊四處出行，搵到新興趣同動力。

兩齣電影凸顯一個好重要嘅人生命題：人要學會相伴連繫、人情互通；而呢個亦係一直係港鐵嘅目標：連繫人同社區。

「夢想篇」依家已經可以喺網上睇到喇（https://youtu.be/bqZV-MMb7uI）；「第二人生篇」會喺12月1日上載港鐵社交平台。

Kelly Chu