KellyChu - 到底邊個騙邊個？　網民疑智鬥騙子 傳短訊催婚「非洲情人」 港鐵阿姨熱爆｜Executive日記

最近真係好多網騙，有網民近日搭港鐵就發現，一位姨姨低頭發WhatsApp，懷疑正同電話係「+234」嘅「非洲情人」對話。不過兩人都發中文，好似係電騙，期間姨姨竟然發咗句：「寶貝，我只想你來香港向我求婚」，唔少網民大感疑惑：「到底邊個騙邊個？」Kelly就覺得，好多姨姨都好聰明，可能只係陪騙徒「玩下」打發時間啫！

有網民喺連登發表題為「地鐵阿姐疑似中咗電騙」嘅帖文，圖片可見，港鐵上一位姨姨正同「情人」互傳短訊。對話都幾甜蜜肉麻，「情人」話：「我愛你寶貝」；姨姨就覆：「我愛你直到我最後一口氣」、「寶貝，我只想你真的12月17日來香港，向我求婚。」但姨姨沒將呢位「情人」加入聯絡人，而「情人」手機號碼更係「+234」開頭，即來自非洲尼日利亞。

唔少網民大感疑惑：「到底邊個騙邊個？」、「有冇諗過阿姐先係做電騙？」；亦有人話：「阿姐當交友app互flirt玩下咁姐， 連名都冇set。」

Kelly Chu