KellyChu - 16品牌捧獎　生活博覽連辦3日 《頭條日條》首屆優質生活品牌大獎圓滿舉行｜Executive日記

《頭條日條》昨日起一連3日喺荷里活廣場舉行首屆「優質生活博覽暨優質生活品牌大獎頒獎禮」。昨日率先舉行「2023優質生活品牌大獎」，共頒發16個大獎，得獎品牌分別有（排名不分先後）︰BODIBRA、攝達、CUPAL、csl.、草姬、衍生、香港陳李濟、貴夫人、鎖健、大棧、港鐵、橙樹鼻敏適噴劑、網上行、now、Towngas及淮安。《頭條日報》總編輯劉國業和《頭條日報》廣告部副總經理劉孟輝負責頒獎。

今次頒獎禮為向一眾致力為社會提供唔同類型優質服務嘅品牌致敬，例如每日為市民提供安全又具效率服務嘅港鐵（交通）、Towngas（能源）和csl、網上行（網絡），及一眾保健品、食品、家電、服飾品牌等，期望藉頒獎禮，讓市民進一步了解得獎品牌嘅優質服務精神。

劉國業致辭時話，港人最懂得享受生活，衣食住行，每一樣都希望享受到最優質嘅服務，呢方面同《頭條日報》辦報嘅理念一致，每日提供最優質最有養分嘅新聞資訊俾全港700多萬名市民。

另外，同場舉辦嘅優質生活博覽亦邀請多個知名優質商戶展置攤位，以會場限定優惠價發售優質商品，吸引好多市民惠顧。現場仲派發多款禮品，只要即場登記成為「星島頭條」App會員，就有機會獲得1份。小妹提提大家，今明兩日繼續有《頭條日報》優質生活博覽，想買至優質商品，就把握時間到場！

Kelly Chu