KellyChu - 首次橫跨兩個周末 歷年最大規模 太地白色聖誕市集CHOCOLAND打卡｜Executive日記

聖誕氣氛越嚟越濃，今年太古地產「白色聖誕市集CHOCOLAND！」回歸太古坊喇！今次市集首次橫跨兩個周末開放（即日至12月3日，及12月8至10日），並且係歷年最大規模，鰂魚涌糖廠街已經變身成為巨型復古朱古力店，大家除咗可以買到系列聖誕禮物，仲可以食到美食、打個靚卡。現場真係好浪漫，小妹覺得啱晒大家同另一半去！

「CHOCOLAND！」由10個參加太古地產Placemaking Academy（SPPA）嘅本地大學生設計策劃，希望訪客重拾初嘗朱古力嘅美好回憶。

今年市集好多亮點，除咗系列精彩表演，仲為遊客呈獻由「SPPA少年計劃」7位中學生為市集創作嘅原創主題曲，以及精心製作嘅電子地圖同小遊戲。

可持續發展一直係SPPA團隊策劃嗰陣嘅重點考慮，於是諗出多項嶄新環保措施，包括：由餐具供應商Muuse提供可重用餐具租借服務、全面使用電子美食及餐飲禮券、使用與Invisible Company提供嘅水溶性及可生物降解包裝#INVISIBLEBAG，作為朱古力攪攪棒紀念品包裝等，為環境出一分力！

另外，政務司司長陳國基、太古地產行政總裁彭國邦等，昨日為市集主持聖誕樹亮燈儀式。

Kelly Chu